Крысцін Лагард сыходзіць у адстаўку з пасады кіраўніка МВФ

Крысцін Лагард будзе балатавацца на пасаду кіраўніка Еўрапейскага цэнтральнага банка.

Дырэктарка Міжнароднага валютнага фонду Крысцін Лагард заявіла, што падала ў адстаўку са сваёй пасады ў сувязі з вылучэннем ейнай кандыдатуры на пасаду кіраўніка Еўрапейскага цэнтральнага банка, піша ria.ru.

"Я сустрэлася з радай кіраўнікоў і падала прашэнне аб адстаўцы з фонду, які ўвайшоў у дзеянне з 12 верасня 2019 года", - гаворыцца ў заяве Лагард, якую распаўсюдзіў фонд.

Паводле ейных слоў, дагэтуль будзе дзейнічаць абвешчаная раней ёй пастанова не ўдзельнічаць у справах фонду, пакуль разглядаецца кандыдатура на пасаду кіраўніка ЕЦБ. "Я прыняла гэтую пастанову, кіруючыся інтарэсамі фонду, і гэта паскорыць працэс абрання майго пераемніка", - дадала Лагард.

Паводле ейных слоў, рада кіраўнікоў найбліжэйшым часам зоймецца выбраннем новага дырэктара, а Дэвід Ліптан працягне выконваць абавязкі кіраўніка фонду.

Рада кіраўнікоў фонду распаўсюдзіла асобную заяву, у якой выказала падзяку Лагард за працу на карысць МВФ. "Пад яе кіраўніцтвам фонд паспяхова дапамог сваім краінам-сябрам арыентавацца ў беспрэцэдэнтным асяроддзі выклікаў, уключаючы ўплыў глабальнага фінансавага крызісу і ягоных наступстваў", - гаворыцца ў заяве.

Рада запэўніла, што працэс пошуку новага дырэктара пачнецца "неадкладна".