Навукоўцы: Вясковыя дзеці больш разумныя за гарадскіх

Такое адкрыццё зрабілі супрацоўнікі Каліфарнійскага ўніверсітэта.

Дзеці, якія жывуць у сельскай мясцовасці, дэманструюць больш высокі, чым у сваіх гарадскіх аднагодкаў, інтэлект. Такое адкрыццё зрабілі супрацоўнікі Каліфарнійскага ўніверсітэта, паведамляе сеткавае выданне Planet Today.

Даследчыкі мяркуюць, што больш высокая ступень інтэлектуальнага развіцця, назіраецца ў вясковых дзяцей, тлумачыцца гэта больш спрыяльнай экалагічнай сітуацыяй, характэрнай для сельскай мясцовасці.

«Мы мяркуем, што ўся справа ў экалагічных чынніках. Напрыклад, калі засяродзіцца на такім фактары забруджвання, як мелкадысперсныя часціцы РМ10, то высветліцца, што яны могуць правакаваць больш сур'ёзную шкоду для арганізма дзіцяці», - кажуць амерыканскія навукоўцы.

Дробныя забруджвальныя часціцы пачынаюць уздзейнічаць на дзіця яшчэ тады, калі яно знаходзіцца ў матчыным чэраве - гэта значыць, яшчэ да фактычнага з'яўлення на свет.

«Забруджвальныя агенты ў цэлым негатыўна ўплываюць на здароўе дзяцей, таму іх уклад у зніжэнне інтэлекту непаўналетніх жыхароў гарадоў варта разглядаць у кантэксце праблемы ўвогуле», - адзначаюць даследнікі.

Аднак адзінага і на 100 адсоткаў дакладнага тлумачэння для назіранага феномену пакуль няма, так што знаходка прычыны больш высокага інтэлекту сельскіх дзяцей яшчэ наперадзе.