Аперацыя «Ыктораўна»

Як Масдзяржвыбаркам адсейваў незалежных кандыдатаў і што яны маюць намер рабіць.

Маскоўскія выбаркамы афіцыйна адмовілі ў рэгістрацыі на выбары ў Масгардуму ўжо некалькім дэмакратычным кандыдатам, сярод іх – Ілля Яшын, Любоў Собаль, Дзмітрый і Генадзь Гудковы, Юлія Галяміна, Канстанцін Янкаўскас, Аляксандр Салаўёў і Іван Жданаў, піша «Новая газета».

Астатнім незалежным кандыдатам, хутчэй за ўсё, таксама будзе адмоўлена ў рэгістрацыі ў найбліжэйшыя гадзіны, бо ў іхніх падпісных лістах знойдзены недапушчальны ўзровень «неадпаведнасцяў». Многіх масквічоў, якія падпісаліся за вылучэнне апазіцыянераў, выбаркамы палічылі «мёртвымі душамі» ці ўвогуле няіснымі людзьмі. Сярод іх, напрыклад, прафесар НДУ ВШЭ Алена Лук'янава і сацыёлаг, прафесар Шанінкі Рыгор Юдзін. Дзмітрый Гудкоў, які паводле ўзроўню «неадпаведнасцяў» у подпісах не быў дапушчаны да выбараў, выклаў у сеціва фотадоказы таго, што выбаркамы масава ўбівалі ў сістэму ДАС «Выбары» імёны тых, хто падпісаўся, прапускаючы літары ці змяняючы мужчынскія імёны па бацьку на жаночыя. «Новая газета» апавядае, што адбылося ў кампаніі маскоўскіх выбараў за апошнія дні.

Ад Навапушкінскага да Масдзвяржвыбаркама, з прыпынкам ля мэрыі

14 ліпеня масквічы і незарэгістраваныя кандыдаты ў дэпутаты Масгардумы прайшліся з расейскімі сцягамі і лозунгам «дапускаецца!» ад Навапушкінскага сквера да будынка Масдзвяржвыбаркама. З незалежных кандыдатаў прыйшлі практычна ўсё: Любоў Собаль, Ілля Яшын, Дзмітрый і Генадзь Гудковы, Сяргей Мітрохін, Алена Русакова, Юлія Галяміна і многія іншыя. Кандыдаты спачатку выступілі ў скверы, потым калона прайшлася да мэрыі, дзе Яшын прапанаваў кожнаму пагрукаць у дзверы будынка.

Потым удзельнікі акцыі прыйшлі да Масдзвяржвыбаркама – усярэдзіну іх не пусцілі, кіраўнік Масдзвяржвыбаркама Валянцін Гарбуноў апынуўся на лецішчы (так сказаў Яшыну прадстаўнік чыноўніка ў тэлефоннай размове). Тады Любоў Собаль прыняла пастанову застацца на ноч каля будынка, каб дачакацца Гарбунова асабіста. Увечары «касманаўты» ў жорсткіх сутыкненнях з пратэстоўцамі затрымалі, паводле звестак АУС-Інфа, 39 чалавек. Многія з іх атрымалі траўмы ўжо ў аўтазаках і АУС – да іх быў ужыты гвалт у выглядзе ўдараў дубінкамі.

Рэакцыя Масдзвяржвыбаркама (МДВК) і Цэнтрвыбаркама (ЦВК)

Канчатковыя пастановы пра допуск кандыдатаў на выбары будуць вынесеныя да 17 ліпеня. Далей, калі незарэгістраваны кандыдат не згодны, – ён можа звярнуцца ў суд і абскардзіць там пастанову акруговай камісіі, пра гэта заявіў Валянцін Гарбуноў.

З ягонага гледзішча, нядзельная акцыя была «правакацыяй», а не «публічнай палітыкай». Таксама Гарбуноў выказаў сумнеў, што ў нядзелю каля будынка выбаркама былі выбарнікі кандыдатаў, а не выпадковыя людзі.

Кіраўнік МДВК пагадзіўся сустрэцца з незалежнымі кандыдатамі і запрасіў іх да сябе а 15-й на наступны дзень пасля разгону акцыі ля будынка выбаркама. Аднак на месцы высветлілася, што ён хоча прыняць кожнага індывідуальна – а на гэта ўжо не згодныя кандыдаты. Яны настойвалі толькі на публічным прыёме, але тут ужо адмовіўся Гарбуноў, і сустрэча не адбылася.

Многія кандыдаты некалькі разоў заклікалі адрэагаваць на вынікі праверкі подпісаў кіраўніцу ЦВК Элу Памфілаву, але ад яе не было ніякай рэакцыі. Праз два дні пасля мітынгу Памфілава заявіла, што яна праходзіць рэабілітацыю пасля нядаўняй аперацыі і гатовая сустрэцца з імі 22 ліпеня (да гэтага часу ўсе пастановы будуць вынесеныя). «І калі каго-небудзь з іх да гэтага часу незаконна здымуць з выбараў, будзем абавязкова аднаўляць, я абяцаю», – заявіла Памфілава. А пакуль кандыдаты могуць сустрэцца з іншымі прадстаўнікамі ЦВК. Праўда, намеснік старшыні Мікалай Булай сказаў, што ў Цэнтрвыбаркаме «чытаюць і аналізуюць» скаргі, але не могуць прымаць датычна іх пастановы праз «адсутнасці паўнамоцтваў».

«Выпраўленыя» імёны і нумары пашпартоў

Дзмітрый Гудкоў апублікаваў у сябе на старонцы ў Facebook фота звестак, якія чальцы працоўнай камісіі ўручную убівалі ў пратакол для праверкі подпісаў паводле базаў звестак ДАС «Выбары» і МУС. Базы звестак, натуральна, пацвярджалі, што такіх людзей, як «Настасся Ыктораўна Балашова», «Папсуева Андрэй Яўгенавіч», «Філін Уладзіміравіч Андрэевіч» і многіх іншых – не існуе. У Аляксандра Салаўёва (чальца каманды Гудкова на гэтых выбарах) сітуацыя ідэнтычная. «Вядома, яны будуць заяўляць, што яны так “счыталі” з рукапіснага варыянту, маўляў, як вашыя зборнікі напісалі, так мы і ўбілі.

Але абсалютна відавочна, што зборнікі не маглі напісаць “Лідзія Георгіевіч” або “Віктар Іванавічч”, – заявіў Салаўёў.

Таксама Гудкоў выклаў фота ягонага падпіснога ліста і далейшых запытаў датычна подпісаў у МУС. Подпіс там прызнаны несапраўдным пасля праверкі паводле базаў звестак МУС, паколькі ў нумары пашпарта дзве лічбы памянялі месцамі. Падобных прыкладаў шмат, таму штаб Гудкова ў апошні дзень перад вынясеннем пастановы (як і штабы іншых кандыдатаў) заняўся абтэлефанаваннем тых, хто падпісаўся, каб тыя пацвердзілі сваё існаванне.

Трубная плошча, кожны дзень, 19-я

Пакуль усё ідзе да таго, што на выбарах будуць зарэгістраваныя адзінкі незалежных кандыдатаў – і сярод іх, хутчэй за ўсё, не будзе медыйных вядомых апазіцыянераў. З панядзелка кандыдаты заклікаюць масквічоў прыходзіць кожны вечар, а 19-й, на Трубную плошчу і патрабаваць іхняй рэгістрацыі. У першы дзень пратэсту нікога не затрымлівалі, на акцыі сабралася некалькі сотняў чалавек.

Муніцыпальныя дэпутаты падалі заяўку ў мэрыю на правядзенне ўзгодненага мітынгу ля Трубнай плошчы 17 ліпеня. Пакуль адказу ад мэрыі не паступала. А 20 ліпеня (калі пастанова пра рэгістрацыю будуць вынесеная ў дачыненні да ўсіх кандыдатаў) на праспекце Сахарава пройдзе ўзгоднены мітынг Лібертарыянскай партыі, на які, як казаў кандыдат Іван Жданаў на акцыі ў нядзелю, яны выведуць «усіх масквічоў».