У Беларусі павысяць пенсійны ўзрост для жанчын да 65-ці гадоў?
38- 17.07.2019, 16:32
- 47,038
Калі ўладам патрэбныя грошы, яны ні перад чым не спыняцца.
Лідар прафзвязу РЭП Генадзь Фядыніч пракаментаваў «Радыё Рацыя» магчымае падвышэнне пенсійнага ўзросту ў Беларусі:
- Ёсць «гарачыя галовы», якія хочуць выраўнаваць пенсійны ўзрост мужчын і жанчын. На маю думку, гэта глупства падымаць пенсійны ўзрост для беларускіх жанчын. За мяжой для жанчын створаныя лепшыя ўмовы для працы, яны зарабляюць больш, маюць добрыя пенсіі, але пры чым тут беларускі?
Я катэгарычна супраць. Спачатку трэба падняць узровень жыцця, а ўжо потым думаць аб падвышэнні пенсійнага ўзросту. Я супраць таго, каб за кошт людзей (і тым больш, за кошт жанчын) падымаць эканоміку.
Характар беларускай улады такі, што, калі ёй патрэбныя грошы, то яна ні перад чым не спыніцца.