У Вярхоўнай радзе адмовілі Зяленскаму ў пазачарговым скліканні парламента
24- 17.07.2019, 18:34
- 12,101
Зяленскі прапанаваў Парубію правесці пазачарговае пасяджэнне Рады 18 ліпеня.
У Вярхоўнай радзе Украіны адмовіліся правесці пазачарговае пасяджэнне, пра якое папрасіў прэзідэнт Уладзімір Зяленскі. Пра гэта спікер парламента Андрэй Парубій паведаміў у Facebook.
«Скліканне такога пасяджэння пасля закрыцця сесіі не прадугледжанае законам, бо рэгламент Вярхоўнай рады Украіны прадугледжвае магчымасць склікання пазачарговага пленарнага пасяджэння ў неадкладных выпадках у перыяд паміж пленарнымі пасяджэннямі падчас сесіі», - напісаў ён.
Ён адзначыў, што апошняе пленарнае пасяджэнні дзясятай сесіі парламента восьмага склікання прайшлі 12 ліпеня. «У мяне ёсць адзіная прадугледжаная заканадаўствам магчымасць - склікаць на патрабаванне прэзідэнта Украіны пазачарговую сесію Вярхоўнай рады», - дадаў Парубій.
Ён пры гэтым адзначыў, што звярнуўся да прэзідэнта з просьбай падаць ліст у парламент у адпаведнасці з патрабаваннямі закона.
Зяленскі прапанаваў Парубію правесці пазачарговае пасяджэнне Рады 18 ліпеня. На гэтым пасяджэнні павінны былі б разгледзець унесеныя ім праекты законаў аб канфіскацыі незаконных актываў дзяржаўных і муніцыпальных чыноўнікаў, закон пра пачатак працы антыкарупцыйнага суда ды іншыя.