У Чашніцкім раёне пасля трэніроўкі на возеры загінуў супрацоўнік МНС
- 18.07.2019, 16:53
- 9,416
Трагедыя адбылася на возеры Слідзец недалёка ад вёскі Слідцоў у Чашніцкім раёне.
Мясцовыя ратавальнікі 17 ліпеня праводзілі там трэніроўку. Цяпер высвятляюцца ўсе абставіны здарэння, паведамілі tut.by ў абласным УМНС.
Напярэдадні супрацоўнікі Чашніцкага раённага аддзела МНС трэніраваліся на возеры Слідзец. Калі выпрабаванні скончыліся, адзін з ратавальнікаў, 37-гадовы мужчына, адлучыўся. Што адбылося потым, пакуль невядома, але неўзабаве калегі знайшлі ягонае цела ў вадзе. Мужчыну спрабавалі рэанімаваць, але ён памёр.
- Чашніцкі раённы аддзел СК праводзіць праверку па гэтым факце. Следчыя агледзелі месца здарэння, апыталі відавочцаў, прызначылі судова-медыцынскую экспэртызу, - паведамілі ва УСК вобласці.