19 жнiўня 2019, панядзелак, 20:25
Мы ў адной лодцы
Рубрыкі

Brexit без угоды можа каштавацьме Лондану 30 млрд фунтаў на год

1
Brexit без угоды можа каштавацьме Лондану 30 млрд фунтаў на год

Нерэгулюемы Brexit стане цяжкім ударам для брытанскага бюджэту.

Выхад са складу ЕЗ без дамовы занурыць Вялікабрытанію ў рэцэсію і будзе мець сур'ёзныя наступствы для брытанскага бюджэту. Да такой высновы прыходзяць аўтары незалежнага даследавання, праведзенага на замову ўрада ў Лондане. У дакладзе Службы бюджэтнай адказнасці (Office for Budget Responsibility), апублікаваным у чацвер, 18 ліпеня, паказваецца, што ў выпадку брэксіта без угоды Лондану давядзецца штогод браць новыя пазыкі на суму 30 млрд фунтаў стэрлінгаў (33,4 мільярда еўра), піша DW.

У сваіх прагнозах экспэрты, якія на замову ўрада ў Лондане часта рыхтуюць даклады аб стабільнасці брытанскага бюджэту, зыходзяць з таго, што нерэгулюемы брэксіт прывядзе да зніжэння інвестыцый, скарачэння аб'ёму экспарту праз новыя гандлёвыя бар'еры і моцнае падзенне брытанскага фунта. У выпадку рэалізацыі гэтага сцэнару, яны прадказваюць глыбокую рэцэсію і скарачэнне аб'ёму ВУП на 2 адсоткі да канца 2020 года.

Яшчэ больш драматычныя наступствы

Пры гэтым аўтары даследавання адзначаюць, што наступствы нерэгуляванага брэксіту могуць быць яшчэ больш драматычныя, бо ў аналізе не ўлічваліся, да прыкладу, шматкіламетровыя чэргі, якія ўзнікнуць на брытанскіх мытных пунктах.

Міністр фінансаў Філіп Хэманд, які заклікаў на рэферэндуме 2016 года да далейшага знаходжанні Вялікабрытаніі ў складзе ЕЗ, скарыстаўся высновамі экспэртаў, каб зноў раскрытыкаваць абодвух кандыдатаў на пасаду прэм'ер-міністра Барыса Джонсана і Джэрэмі Ханта, якія гатовыя пагадзіцца і з варыянтам жорсткага брэксіту