Затрыманы фігурант справы аб забруджванні «Дружбы» просіць прытулку ў Літве

Ружачка - былы кіраўнік cамарскага тэрмінала «Транснафты» - кампаніі, якая валодае і кіруе нафтаправодам.

Затрыманы ў Вільні расеійскі прадпрымальнік Раман Ружачка, фігурант справы аб забруджванні нафтаправода «Дружба», папрасіў палітычны прытулак у Літве.

Як паведамляе «Еўрапейская праўда», пра гэта заявіў агенцтву Reuters прэс-сакратар Віленскага акруговага суда.

Ружачка - былы кіраўнік cамарскага тэрмінала «Транснафты» - кампаніі, якая валодае і кіруе нафтаправодам.

Расейская пракуратура абвінаваціла Ружачка і некалькіх іншых людзей у злачыннай змове з мэтай забруджвання «Дружбы». У траўні ў Расеі суд завочна арыштаваў яго ды абвясціў у вышук.

Адвакат Ружачкі сказаў, што ў матэрыялах пракуратуры няма довадаў, якія сведчаць пра віну ягонага кліента.

Суд у Вільні дазволіў трохмесячнае затрыманне Ружачкі на просьбу літоўскіх пракурораў, паведаміў прэс-сакратар суда.

Расейскі нафтаправод «Дружба» спынілі 19 красавіка, калі ў Цэнтральнай і Усходняй Еўропе выявілі забруджаную нафту з РФ. У ёй была вялікая канцэнтрацыя дыхлорэтану - таксічнага злучэння, якое мае высокае каразійнае ўздзеянне.

Першай пра гэта паведаміла Беларусь, пасля чаго пастаўкі прыпынілі ў Беларусь, Польшчу, Нямеччыну, Вугоршчыну, Славакію, Чэхію. Гэтая нафта была загружаная ў больш як дзесяці танкерах у расейскім порце Усць-Луга.

У пачатку траўня рэзервовае адгалінаванне газаправода «Дружба» зноў пачало пастаўляць расейскую нафту ў Беларусь, пазней - у кірунку Украіны - у Славакію, Вугоршчыну, Чэхію, а ў пачатку чэрвеня - у Польшчу і Нямеччыну.

Паводле звестак «Транснафты», праз трубаправод у порт Усць-Луга было адпампаваць блізу 3 млн тон забруджанай нафты. Які дзейнічае ў Літве нафтаперапрацоўчы завод польскага капіталу Orlen Lietuva запэўнівае, што таксама атрымаў груз нафты, забруджанай хлорам.