Новая кіраўніца Еўракамісіі заявіла пра неабходнасць абмежаваць Nord Stream

Урсула фон дэр Ляен падтрымлівае заканадаўства, якое пакіне трубу паўпустою.

Надзеі «Газпрама» на тое, што ратацыя кадраў у Брусэлі зменіць пазіцыю еўрапейскіх уладаў што да газаправода «Паўночная плынь- 2», відавочна, не апраўдаліся.

Новая кіраўніца Еўракамісіі, экс-міністарка абароны Нямеччыны Урсула фон дэр Ляен, зацверджаная на галоўную кіруючую пасаду ЕЗ да 2023, выказалася ў падтрымку паправак у еўрапейскае заканадаўства, праз якія трубаправод, які каштаваў 10 млрд еўраў, рызыкуе застацца паўпарожнім, паведамляе finanz.ru.

Nord Stream 2 нясе «пагрозу празмернай залежнасці ад расейскіх энэрганосьбітаў», заявіла фон дэр Ляен у інтэрв'ю Bild (вытрымкі з якога прыводзіць у пятніцу Handelsblatt).

Дыялог з Расеяй неабходна весці «з пазіцыі сілы», таму што «Крэмль не даруе слабасці», падкрэсліла яна, дадаўшы, што ЕЗ павінен прытрымлівацца санкцыйнага рэжыму.

Што тычыцца Nord Stream 2, то правільнай пастановай павінны быць «падзел функцый», так званы анбандлінг (unbundling), заявіла фон дэр Ляен: адна кампанія не можа быць адначасова і пастаўшчыком газу, і ўладальнікам трубаправода.

Адпаведныя папраўкі ў газавую дырэктыву ЕЗ Еўрапарламент прыняў у пачатку красавіка. Яны патрабуюць, каб марскія газаправоды падпарадкоўваліся тым жа нормам, што і наземныя - з абавязковым доступам да трубы незалежных пастаўшчыкоў.

Спробы Нямеччыны стварыць «шчыліну» і дамагчыся для сябе права ўводзіць выключэння з газавай дырэктывы на той падставе, што яна з'яўляецца краінай, якая прымае трубу, поспехам не ўвянчаліся. У выніковай версіі дакумента ў Бэрліна засталося толькі права запытаць такія выключэнні. А канчатковае рашэнне магчыма толькі пры адабрэнні з боку Еўракамісіі. Яе пазіцыя была непрымірымай і, як след вынікае са слоў фон дэр Ляен, такой і застанецца.

Між тым выканаць патрабаванні Еўразвязу «Газпрам» не ў стане: толькі яго радовішча падлучанае да «Паўночнай плыні - 2», а акрамя таго, ніводная расейская кампанія не мае права на экспарт трубаправоднага газу.

На практыцы гэта азначае, што другая галінка плыні застанецца паўпустая - «Газпрам» зможа выкарыстаць толькі 50% магутнасці, папярэджвалі раней аналітыкі «Атона». Гэта «можа павялічыць тэрмін акупнасці і падарваць інвестыцыйную прывабнасць праекта», мяркуюць яны. У канчатковым выніку абмежаванні могуць быць знятыя, аднак на гэта могуць спатрэбіцца гады, як адбылося з газаправодам Opal.

«Гэта канец эры манаполіі на еўрапейскім газавым рынку - манаполіі, якая альбо пагражае падвышанымі коштамі, альбо проста перакрыццем крана», - казаў вясной пасля галасавання ў Еўрапарламенце старшыня камітэта ў прамысловасці, даследаванняў і энэргетыцы Ежы Бузэк.

«Занадта часта пастаўкі газу выкарыстоўваліся як палітычная зброя, - наракаў. - Мы не можам «раззброіць» нячыстыя задумы іншых, але можам узброіцца поўнай юрыдычнай выразнасцю і паслядоўнасцю дзейнага заканадаўства. Менавіта пра гэта наш энэргетычны саюз і гэтая абноўленая дырэктыва».