Маск: SpaceX зможа здзейсніць пасадку на Месяц менш чым праз два гады
8- 19.07.2019, 20:35
- 10,022
Касмічны карабель Starship зможа здзейсніць пасадку на Месяц да 2021 года.
Касмічны карабель Starship можа прызямліцца на Месяцы праз менш чым два гады. Пра гэта ў інтэрв'ю Time заявіў кіраўнік кампаніі SpaceX Ілан Маск, паведамляе ukrinform.ua.
«Я думаю, што гэта будзе гучаць вельмі па-вар'яцку, але я думаю, што мы можам прызямліцца на Месяцы менш чым праз два гады. Дакладна карабель без людзей можа прызямліцца на Месяцы праз два гады», - сказаў ён.
Са слоў Маска, каб дабрацца да Месяца ўжо з людзьмі на борце касмічнага карабля Starship, яму спатрэбіцца яшчэ адзін ці два гады.
Ён таксама мяркуе, што прызямленне людзей на Месяц можа адбыцца максімум праз чатыры гады.