У Беларусь вярнулася спякота: у выхадныя да 30 градусаў

Удзень 20 ліпеня ў Беларусі чакаецца пераменная воблачнасць.

Пераважна без ападкаў, толькі месцамі па поўдні краіны невялікія кароткачасовыя дажджы, магчымы навальніцы. Вецер няўстойлівы слабы. Максімальная тэмпература паветра ад 20 градусаў па паўночным усходзе да 28-і па поўдні краіны.

Згодна з Белгідраметам 21 ліпеня ўначы будзе пераменная воблачнасць і без ападкаў. Удзень воблачна з праясненнямі, пераважна па заходняй частцы краіны кароткачасовыя дажджы, месцамі навальніцы. Уначы і раніцай слабы туман. Вецер паўднёвы, паўднёва-заходні ўмераны, пры навальніцах парывісты. Уначы 10-17 градусаў, удзень - 23-29, па поўдні краіны месцамі да 30-і.

22 ліпеня воблачна з праясненнямі. На большай частцы тэрыторыі кароткачасовыя дажджы, месцамі навальніцы. Вецер умераны, пры навальніцах парывісты. Уначы 13-19 градусаў, удзень - 19-26.