Заўтра ў Беларусі на 1 капейку патаннее бензін

Гэта васемнаццатае змяненне коштаў аўтамабільнага паліва сёлета.

Маторнае паліва на беларускіх АЗС з 21 ліпеня патаннее на адну капейку, паведамілі interfax.by ў «Белнафтахіме».

«У адпаведнасці з прынятай канцэрнам «Белнафтахім» палітыкай фармавання коштаў нафтапрадуктаў, раздробныя кошты маторнага паліва на АЗС з 21 ліпеня 2019 года памяншаюцца на 1 капейку», - гаворыцца ў паведамленні на афіцыйным сайце ўстановы.

Такім чынам, кошт бензіну АІ-92-К5-Еўра з нядзелі складзе Br1,56, АІ-95-К5-Еўра - Br1,66, АІ-98-К5-Еўра - Br1,88, ДТ - Br1,66, праінфармавалі ў канцэрне.