Беларуска перамагла ў кіданні дзіды на этапе Брыльянтавай лігі
- 20.07.2019, 18:17
- 6,747
Таццяна Халадовіч возьме ўдзел у Алімпіядзе-2020.
Беларуская кідальніца дзіды Таццяна Халадовіч перамагла на этапе Брыльянтавай лігі ў Лондане, паведамляе pressball.by.
У найлепшай спробе наша суайчынніца кінула прыладу на 66,10 м. Другое месца заняла Кейсі-Лі Барбэр з Аўстраліі, тройку замкнула Крысцін Гусонг з Нямеччыны.
Нагадаем, Халадовіч ужо выканала кваліфікацыйны нарматыў для ўдзелу ў Алімпіядзе-2020. У актыве беларускі чацвёрты вынік сусветнага сезона - на Еўрапейскіх гульнях у Менску Таццяна паказала вынік 67,22 м.
Брыльянтавая ліга. Лондан. Кіданне дзіды, жанчыны
1. Таццяна Халадовіч (Беларусь) – 66,10
2. Кейсі-Лі Барбэр (Аўстралія) – 65,85
3. Крысцін Гусонг (Нямеччына) - 65.73