Улады праводзяць экспэрымент для пашырэння паўнамоцтваў міліцыянтаў
43- 22.07.2019, 11:22
- 27,684
Экспэрымент праводзіцца на Шаркаўшчыне.
Пра гэта паведамляе газета "Кліч Радзімы".
Экспэрымент праходзіць з 31 траўня 2019 года да 31 студзеня 2020 года. Задзейнічаныя ў ім міліцыянты атрымаюць паўнамоцтвы супрацоўнікаў крымінальнага вышуку, участковых інспектараў міліцыі і інспектараў у справах непаўналетніх.
Гэта значыць стануць «універсальнымі» міліцыянтамі, якія адказваюць за ўсё, што адбываецца на іх адміністрацыйным участку (усяго іх у раёне 11).
"Гэта дазволіць паменшыць і раўнамерна размеркаваць нагрузку на супрацоўнікаў. У сельскай мясцовасці, дзе шчыльнасць насельніцтва невялікая, глыбокая спецыялізацыя кожнай з гэтых службаў не патрабуецца, - адзначае начальнік АУС Сяргей Арэшка. - Мы спадзяемся, што надалей такая практыка будзе спрыяць аздараўленню крымінагеннай абстаноўкі ў раёне".
Участковыя-шэрыфы ўжо з'явіліся ў некаторых іншых рэгіёнах краіны - напрыклад, у Глускім, Маларыцкім, Бярэзінскім, Кастрычніцкім і Воранаўскім раёнах.