Блогер NEXTA: На будоўлі БелАЭС працуюць гастарбайтэры з «ЛНДР»

Яны збіралі ўсю сістэму галоўных цыркуляцыйных трубаправодаў.

Пра гэта паведамляе блогер NEXTA ў сваім Telegram-канале.

«Даўно мы не пісалі пра Беларускую АЭС, а там усё вельмі сумна. Дабудоўваць яе няма каму, і Мінбуд у паніцы рассылае ў прыватныя фірмам лісты, патрабуючы спецыялістаў. Ужо зразумела, што запускаць АЭС будуць ці з вялікім спазненнем, або з вялікімі недаробкамі.

«Расатам» нават возіць на будоўлю гастарбайтэраў з акупаваных раёнаў Украіны. Напрыклад, усю сістэму галоўных цыркуляцыйных трубаправодаў 1-га і 2-га энэргаблокаў збіралі «спецыялісты» з так званых «ДНР» і «ЛНР».

Недаробкі ўжо выяўляюцца: пазаўчора, 20 чэрвеня, блізу 19:20 на АЭС здарылася чарговае надзвычайнае здарэнне. У яго трапіў аўтамабіль МНС. Выязджаючы са сваёй часткі на тэрыторыі БелАЭС на пажар у вёсцы Бярозаўцы Астравецкага раёна, пажарны МАЗ трапіў колам у правал асфальту і перакуліўся. Рамонт будзе дарагім, а прэс-служба МНС, як заўсёды, зусім не #нібыта інцыдэнт утаіла.

Затое на АЭС ужо амаль дабудаваная...капліца. Мабыць, каб «аб'ект» не ірвануў і не забіў радыяцыяй палову Еўропы, застаецца толькі маліцца», - напісаў блогер.