Якім будзе надвор'е на тыдні

Лета яшчэ вернецца.

У пачатку тыдня чакаецца няўстойлівае з дажджамі надвор'е. З ростам атмасфернага ціску надвор'е пачне паляпшацца, і да канца тыдня будзе цёпла і пераважна без ападкаў, толькі на паўднёвым усходзе краіны месцамі не абыдзецца без кароткачасовых дажджоў. Пра гэта паведамілі tut.by ў Белгідрамеце Мінпрыроды.

У аўторак, 23 ліпеня, уначы ў паўночна-ўсходняй палове, раніцай і ўдзень на большай частцы тэрыторыі рэспублікі пройдуць дажджы, месцамі чакаюцца навальніцы і моцныя дажджы. Уначы і раніцай на захадзе слабы туман. Тэмпература паветра мінімальная ўначы +11...17°С, максімальная тэмпература ўдзень +18...24°С.

У сераду, 24 ліпеня, месцамі па рэспубліцы пройдуць кароткачасовыя дажджы, удзень на паўднёвым усходзе магчымыя навальніцы. Уначы і раніцай у асобных раёнах слабы туман. Тэмпература паветра мінімальная ўначы +10...15°С, максімальная тэмпература ўдзень +21...27°С.

У чацвер, 25 ліпеня, без істотных ападкаў, толькі месцамі на паўднёвым усходзе краіны кароткачасовыя дажджы. Тэмпература паветра мінімальная ўначы +10...15°С, максімальная тэмпература ўдзень 22...29°С.

У пятніцу і выхадныя будзе пераважна без ападкаў, толькі ў асобных раёнах на паўднёвым усходзе краіны пройдуць кароткачасовыя дажджы, у дзённыя гадзіны магчымыя навальніцы. Уначы і раніцай месцамі магчымы слабы туман. Тэмпература паветра мінімальная ўначы 10...17°С, максімальная тэмпература ўдзень +23...29°С.