«Баста» пра знікненне Гурбангулы Бердымухамедава: Лукашэнка думае над быццём
- 23.07.2019, 10:09
- 15,300
Садам, Муамар, Гурбангулы, Януковіч - усё заканчваецца амаль аднолькава.
Пару дзён у інтэрнэце ходзяць чуткі пра смерць ужо другога Туркменбашы - Гурбангулы Бердымухамедава. Раптоўную, як і ў ягонага папярэдніка. Сышоў у адпачынак і ўсё. Чыноўнікі захоўваюць маўчанне, невыразна зняпраўджваюць чуткі. Думаюць пра тое, як уладу дзяліць, калі ўсё ж праўда. Рыхтуюць шляхі адступлення, калі качка, а яны мелі глупства паверыць. Спадзяюцца на лепшае, піша тэлеграм-канал «Баста».
Туркменскі дыктатар даняў і набліжаных, і народ сваёй клаунадай. «І жнец, і жрэц, і на конях яздзец, і рэпер-спявак... і шмат хто яшчэ», - гэта пра яго. Нам, беларусам такі стыль паводзінаў знаёмы. Магчыма, Гурбангулы атруцілі яго ж прыхільнікі, якія стаміліся пляскаць у ладкі на кожны ідыёцкі учынак. Магчыма, задушылі дзе-небудзь у лазні з дзяўчаткамі, мокрым ручніком. Магчыма, пакуль яшчэ не. Напраўду, гэта не важна. Важна тое, як шмат людзей спадзяецца і чакае.
Думаю, што і Лукашэнка ў чарговай істэрыцы грызе пазногці і думае над быццём. Бачыць, што адзін за адным усе ягоныя калегі бясслаўна пакідаюць тленны свет, выклікаючы хвалі радасці ў зацкаваных імі народаў. Тузаецца, бо ягоная ганарыстасць не дазваляе яму сысці вось так проста. Хочацца ж і пакінуць скрадзенае сваім нашчадкам, і застацца ў гісторыі чымсьці важным, значным.
Хочацца яго расчараваць: усе дыктатары гэтага хацелі. Спадзяваліся, што іх народы - ідыёты, якія вераць у выключнасць сваіх правадыроў. Верылі падхалімам, штодня падсоўваць на стол ліпавыя рэйтынгі. Садам, Муамар, Гурбангулы, Януковіч - усюды ўсё паныла, прадказальна і амаль аднолькава. Прыкладна гэтак жа скончыць і Лукашэнка: гэты момант няўхільна набліжаецца. Усё, што ён і ягоная банда скрала, будзе вернутае народу, а сам ён застанецца ў памяці як недарэчны, жорсткі, непісьменны і ненавісны правадыр.
Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.
Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.