Лукашэнка падпісаў новы Працоўны кодэкс

Новы кодэкс дае наймальнікам значна больш падстаў для звальнення работнікаў.

У Беларусі адрэдагавалі Працоўны кодэкс. Лукашэнка сёння падпісаў закон аб зменах у гэты дакумент, паведамляе прэс-служба дыктатара.

Нагадаем, абмяркоўваць змены ў Працоўны кодэкс у «парламенце» пачалі год таму. А 26 чэрвеня гэтага года «дэпутаты» прынялі ў другім чытанні законапраект аб змене гэтага дакумента. У параўнанні з першай версіяй законапраекта, якую зацвердзілі яшчэ ў мінулым годзе, у цяперашняй з'явіліся некаторыя новаўвядзенні.

Сярод змен - наймальнікам дазволілі часова пераводзіць работнікаў на іншую працу, у тым ліку да іншага наймальніка, на тэрмін да 6 месяцаў цягам каляндарнага года.

«Акрамя таго, у Працоўным кодэксе замацаваны нормы, якія прадугледжваюць, што матэрыяльная адказнасць будзе наступаць аднолькава і для тых, хто працуе паводле кантракту, і для тых, хто паводле працоўнай дамовы», - удакладняюць ў прэс-службе дыктатара.

Новы Працоўны кодэкс дае наймальнікам значна больш падстаў для звальнення работнікаў. Гэтыя нормы ўзятыя са скандальных дэкрэтаў Лукашэнкі №29 і №5 (аб працоўнай дысцыпліне і пра патрабаванні да кіроўных кадраў).

«У новым Працоўным кодэксе прапануецца папраўка, якая надае працадаўцаў права на звальненне работніка са сваёй ініцыятывы ў сувязі з «грубым, аднаразовым парушэннем выканальніцкай альбо працоўнай дысцыпліны».

Нагадаю, што дзейныя нормы Працоўнага кодэкса дапускаюць такое толькі ў выпадку сістэматычных парушэнняў. Гэта значыць, цяпер трэба мець парушэнне і дапусціць яго цягам года ізноў. А цяпер будуць звальняць за разавае, няхай нават «грубае», парушэнне», - пракаментаваў сайту Charter97.org нормы новага Працоўнага кодэкса прававы інспектар прафзвязу РЭП Гомельскай вобласці Леанід Судаленка.

Новы Працоўны кодэкс таксама замацоўвае створаную ў Беларусі за Лукашэнкам кантрактную сістэму: ёй прысвечаны асобны раздзел.

Змены ўвойдуць у дзеянне праз паўгода пасля афіцыйнага апублікавання дакумента.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com