У Шчучыне звольнілі педагога ліцэя, якая аблаяла навучэнца

Анастасія Андрыясава востра адрэагавала на жарт аб іншапланецянах.

У аддзеле арганізацыйна-кадравай работы Шчучынскага райвыканкама nn.by паведамілі, што сацыяльны педагог мясцовага сельскагаспадарчага ліцэя Анастасія Андрыясава звольненая з працы.

Прычынай звальнення стаў аўдыёзапіс, апублікаваная ў тэлеграм-канале Nexta на мінулым тыдні: Анастасія Андрыясава адборнай лаянкай адчытвае ліцэіста Марка Ханько, які напярэдадні склаў жартоўную петыцыю па ўзоры амерыканскай аб штурме вайсковай базы «Зона 51». Вось толькі Ханько заклікаў штурмаваць Шчучынскі ліцэй.

«Ты, бл*, прыдурак, па-іншаму цябе не назавеш. Ты калі гэтую ху* аб іншапланецянах чытаў, можа, таксама думаў, што тут іншапланецяне вучацца? Што ж ты, кончаная твая морда, ху*** розную пішаш? Ты ж дэбіл чыстай вады!

І гэтаму дэбілу аўтамат праз год дадуць у войску. Пі***ц жа будзе, пойдзеш штурмаваць вайсковую частку? Прыдурак! Вось цябе, не дай бог, хтосьці клануе. Гэта ж такія дэбілы, што горш за іншапланецян будуць», - выхоўвала ліцэіста Анастасія Андрыясава.

Таксама ў запіс размовы трапіў і дырэктар установы Дзмітрый Маркевіч. Ягоны лёс вызначаецца ў Гарадзенскім аблвыканкаме. Пастанова аб звальненні дырэктара яшчэ не прынятая.

Маркевіч, прынамсі, называў Марка Ханько «казачным дал***м» і запалохваў магілёўскай калоніяй.