Пуцін прыняў у Крамлі экс-прэзідэнта-ўцекача з Кыргызстана

Алмазбек Атамбаеў паляцеў на самалёце з расейскай авіябазы.

Прэзідэнт Расеі Уладзімір Пуцін правёў у Крамлі сустрэчу з былым прэзідэнтам Кыргызстана Алмазбекам Атамбаевым. Пра сустрэчу з былым кіраўніком Кыргызстана журналістам распавёў прэзідэнт Расеі, паведамляе ТАСС.

«Так, сапраўды, я сустракаўся з Алмазбекам Шаршэнавічвм [Атамбаевым]», - сказаў Пуцін, адказваючы на адпаведнае пытанне. Паводле ягоных слоў, гаворка ішла «аб сітуацыі ў рэгіёне і ў Кыргызстане».

Пуцін таксама дадаў, што «заўсёды адкрыты для кантактаў і з дзейнымі калегамі, і з тымі, хто пакінуў ужо вышэйшыя службовыя абавязкі».

Раней 24 ліпеня Атамбаеў паляцеў з Кыргызстана ў Расею. Пры гэтым ён паляцеў на самалёце з расейскай авіябазы ў горадзе Кант.

Алмазбек Атамбаеў быў прэзідэнтам Кіргізіі з 2011 да 2017 года, новым прэзідэнтам краіны стаў Сааранбай Жээнбекаў.

У канцы чэрвеня парламент Кіргізіі зняў недатыкальнасць з Атамбаева. Генпракуратура краіны выставіла супраць яго абвінавачванні ў незаконным завалоданні надзелам, незаконным вызваленні крымінальнага аўтарытэта і ўзбагачэнні, а таксама ў карупцыі і магчымай датычнасці да незаконных пастаўках вугалю. Адсутнасць недатыкальнасці адкрывае магчымасць для крымінальнага пераследу экс-прэзідэнта.

Пасля гэтага Атамбаева ўжо тройчы запрашалі на допыт у МУС у якасці сведкі, аднак экс-прэзідэнт позвы праігнараваў. Абвінавачванні, выстаўленыя супраць яго на радзіме, Атамбаеў адхіляе.