У Пецярбургу праходзіць мітынг «За сумленныя выбары»
2- 24.07.2019, 21:06
- 9,894
У мітынгу ўдзельнічаюць блізу чатырох тысяч чалавек.
У Санкт-Пецярбургу на плошчы перад Фінляндскім вакзалам праходзіць узгоднены мітынг супраць парушэнняў на выбарах. Як перадае з месца падзей у сераду, 24 ліпеня, карэспандэнт DW, акцыя пачалася з хвіліны маўчання ў памяць грамадскай актывісткі Алены Грыгор'евай, па-зверску забітай 22 ліпеня.
Арганізатарамі мітынгу былі больш за 20 арганізацый і грамадскіх рухаў, уключаючы партыі "Справедливая Россия", "Яблоко", КПРФ і "Партию роста", удакладняе агенцтва "Інтэрфакс". Чакаюцца выступы кандыдатаў у губернатары горада, удзельнікаў выбараў муніцыпальных дэпутатаў. На акцыі прысутнічае блізу трох - чатырох тысяч чалавек, перад рамкамі, праз якія прапускаюць удзельнікаў мітынгу, застаецца чарга.
"Давайце давядзём ім, што мы свабодныя грамадзяне самага свабоднага і самага дэмакратычнага горада Расеі", - заявіў, адкрываючы мітынг дэпутат Заканадаўчага сходу Санкт-Пецярбурга Максім Рэзнік. Каардынатар праекта "Аб'яднаныя дэмакраты" Андрэй Півавараў, зарэгістраваны кандыдатам у муніцыпальныя дэпутаты, тым не менш, заклікаў да рэальнага пакарання чальцоў выбарчых камісіі, абвінавачаных у парушэнні законаў аб выбарах.
З паведамленняў карэспандэнта DW, мірны мітынг спрабуюць сарваць правакатары, але акцыя, якая праходзіць у шчыльным коле праваахоўнікаў, пакуль працягваецца мірна.
Митинг за честные выборы в Санкт-Петербурге пытались прерывать провокаторы. Организаторам удавалось не допустить их к микрофону, собравшиеся освистывали провокаторов. Полиция не реагировала на попытки мешать проведению митинга pic.twitter.com/eYveoIxP4y
— DW на русском (@dw_russian) July 24, 2019
Дзве тысячы скаргаў
Муніцыпальныя выбары і выбары губернатара Санкт-Пецярбурга пройдуць 8 верасня. Кандыдаты скардзіліся на шматлікія парушэнні ў працы муніцыпальных выбаркамаў, у тым ліку падстаўныя чэргі, згубу камісіяй здадзеных дакументаў, прызнанне подпісаў у падтрымку несапраўднымі.
Раней 80 кандыдатаў звярнуліся да кіраўніка Цэнтральнай выбарчай камісіі РФ Элы Памфілавай з просьбай скасаваць выбары і распусціць шэраг муніцыпальных выбаркамаў. Падчас пасяджэння ЦВК 24 ліпеня ягоны чалец Аляксандр Кінеў заявіў, што ў выбаркам за апошні час паступіла дзве тысячы скаргаў на сітуацыю з выбарамі ў Санкт-Пецярбургу, паведамляе "Новая газета".
