Гідрамет: У чацвер будзе ўсяго да +22°С

Прагноз надвор'я на некалькі найбліжэйшых дзён.

4 ліпеня на тэрыторыю краіны з Балтыйскага мора прадоўжаць паступаць прахалодныя няўстойлівыя паветраныя масы, піша Гідрамет.

Ноччу ў паўночных, а ўдзень і ў цэнтральных раёнах краіны пройдуць кароткачасовыя дажджы. Вецер заходні парывісты, удзень месцамі моцны парывісты. Тэмпература паветра мінімальная ноччу +6... +11°С, максімальная ўдзень +15... +22°С.

5 ліпеня краіна будзе знаходзіцца ў полі паніжанага атмасфернага ціску, пры гэтым з поўдня Швецыі чакаецца перамяшчэнне сістэмы актыўных франтальных раздзелаў. Уначы месцамі, раніцай і ўдзень на большай частцы тэрыторыі чакаюцца кароткачасовыя дажджы, удзень у асобных раёнах магчымыя навальніцы. Вецер заходняй чвэрці сярэдні, ноччу ў паўночна-заходніх, удзень і ў цэнтральных раёнах моцны парывісты. Тэмпература паветра мінімальная ўначы +6... +13°С, максімальная ўдзень +13... +19°С, па поўдні месцамі да +22°С.