Сіноптыкі: У суботу будзе да +23°С

Удзень у многіх раёнах Беларусі чакаецца моцны парывісты вецер.

6 ліпеня варункі надвор'я на тэрыторыі Беларусі будзе вызначаць прахалодная паветраная маса, якая паступае з Балтыйскага мора, на паўночным усходзе адаб'ецца ўплыў франтальнага падзелу, паведамляе pogoda.by.

Чакаецца воблачна з прасвятленнямі. Пераважна ў паўночна-ўсходняй палове кароткачасовыя дажджы, у дзённыя гадзіны месцамі навальніцы. Вецер заходні парывісты, удзень у многіх раёнах моцны парывісты. Тэмпература паветра мінімальная ўначы +6..+12°С, максімальная ў сярэдзіне дня +15..+21°С, на поўдні да +23°С. Атмасферны ціск будзе падаць.