Shell паведаміла пра новае спыненне нафтаправода «Дружба»

У нафце зноў выяўленыя прымешкі арганічных хларыдаў.

Расейскія пастаўкі нафты па трубаправодзе «Дружба» на нафтаперапрацоўчы завод PCK у горадзе Шведт у федэральнай зямлі Брандэнбург зноў перапыненыя. Прадстаўнік энэргетычнага канцэрна Shell у пятніцу, 5 ліпеня, пацвердзіў адпаведнае паведамленне газеты Handelsblatt, паведамляе «Немецкая волна».

Гэтак жа, як і ў красавіку, у нафце, што пастаўляецца з Расеі, выяўленая злёгку падвышаная канцэнтрацыя арганічных хларыдаў, што можа нанесці шкоду абсталяванню нафтаперапрацоўчых заводаў. З пастаўшчыкамі і аператарам нафтаправода «Дружба» вядуцца перамовы з мэтай высветліць прычыны непаладак, сказаў прадстаўнік Shell. Адначасова ён падкрэсліў, што забеспячэнне нафтапрадуктамі забяспечана.

Пастаўка нафты-сырца з Расеі ажыццяўляецца праз гавань Ростака. На заводзе PCK у Шведцы штогод перапрацоўваецца 12 млн тон нафты ў такія прадукты, як дызельнае паліва, бензін, газа, звадкаваны газ і бітум. На прадпрыемстве працуюць больш за 1200 чалавек. Акцыянерамі PCK з'яўляюцца Rosneft Deutschland, Shell Deutschland і AET. Акрамя завода ў Шведцы, трубаправод «Дружба» пастаўляе нафту і на нафтаперапрацоўчы завод у горадзе Лёйна ў федэральнай зямлі Саксонія-Анхальт.