Ротэн-эканоміка

Дакладнае вызначэнне для таго, што створанае ў Расеі пад выглядам дзяржавы.

Вестка пра тое, што кампанія Ротэнберга можа атрымаць з падаткаў грамадзян 22 млрд рублёў на «стварэнне сістэмы маніторынгу санкцыйных грузаў» лішні раз падкрэслівае характэрную рысу эканомікі мафіёзнай дзяржавы, піша тэлеграм-канал «СерпомПо».

Тут вялікая частка падаткаў грамадзян марнуецца на тое, што грамадзянам не трэба. На што няма ні грамадскага запыту, ні, тым больш, санкцыі саміх грамадзян. Самы яскравы сімвал - шматгадовае «добраўпарадкаванне» Сабяніным Масквы, г.зн., распіхванне па кішэнях падрадчыкаў грошай за непатрэбныя працы.

Увядзенне Пуціным «контрсанкцый» было накіраванае супраць расейскіх спажыўцоў, выцягванне з іх кішэняў грошай. Цяпер яшчэ і за «маніторынг санкцый» грамадзянам прапануецца заплаціць 22 млрд.

Зусім такая ж гісторыя з захопам Крыма і яго наступным «засваеннем», уключаючы будаўніцтва моста Ротэнберга, «сістэмай Платон» і таму падобнымі ініцыятывамі, уключаючы Алімпіяду і футбольны чэмпіянат з яго галоўным сімвалам - стадыёнам коштам, большым за $1 млрд у бандыцкім Пецярбургу.

Выгладае, нібыта праца кіпіць. Будуюцца касмадромы, стадыёны, масты. Шум, гам, грукат тэхнікі. Але ў паветры выразна пахне ашуканствам. Стаіць пах тухлых яек - rotten eggs.

Наогул, шматзначны ангельскі прыметнік rotten, сугучны прозвішчу аднаго з «каралёў дзяржзаказу», як нельга лепш падыходзіць для марнатраўнай расейскай мафіёзнай эканомікі. У залежнасці ад кантэксту rotten можа перакладацца як «гнілы», «тухлы», «трухлявы», «ненадзейны», «іржавы».

To be rotten at the core - быць наскрозь сапсаваным. Дакладнае вызначэнне для таго, што ў Расеі створанае пад выглядам «дзяржавы».