17 лiпеня 2019, Серада, 4:29
Мы ў адной лодцы
Рубрыкі

Беларусь перакрыла пастаўкі расейскага газу ў Вільню і Калінінград

7

Пачаты рамонт газаправода.

Беларусь у панядзелак пачала рамонт магістральнага газаправода Менск-Вільня-Коўна-Калінінград, таму спыненыя пастаўкі газу па трубаправодзе ў кірунку Літвы і далей на Калінінград, паведамляе interfax.by.

«У гэты перыяд газ у Літву будзе пастаўляцца з дзвюх крыніц: з Клайпедскага тэрмінала звадкаванага прыроднага газу (ЗПГ) і з Расеі праз Латвію», - паведамілі агенцтву BNS у літоўскай кампаніі Amber Grid, якая займаецца размеркаваннем газу.

Працы ў пункце прыёму-перадачы газу ў Катлоўцы на літоўска-беларускай мяжы прадоўжацца тры тыдні, да 28 ліпеня.

Са слоў кіраўніка Amber Grid у пытаннях камунікацыі Лауры Шабекене, гэтыя рамонтныя работы з'яўляюцца планавымі.

Паводле яе слоў, газ у Калінінградскую вобласць РФ цяпер пастаўляецца праз Латвію.

У прэс-службе ААТ «Газпром трансгаз Беларусь» (100%-я «дачка «Газпрома»), які з'яўляецца аператарам беларускага адрэзка магістральнага газаправода Менск-Вільня-Коўна-Калінінград, пацвердзілі пачатак планавага рамонту ў панядзелак. «На ўзгадненне з літоўскім бокам сёння пачаты планавы рамонт на газаправодзе Менск-Вільня. У адпаведнасці з графікам, работы прадоўжацца да 28 ліпеня», - сказаў агенцтву «Інтэрфакс-Захад» прадстаўнік прэс-службы.

«Газпром трансгаз Беларусь» забяспечвае газам спажыўцоў Беларусі і ажыццяўляе транзіт расейскага газу па тэрыторыі краіны ў Калінінградскую вобласць Расеі, Літву, Украіну, Польшчу.