Названыя прадукты, якія зробяць чалавека шчаслівым і здаровым

Ежа ўплывае на мозг і самаадчуванне людзей.

Ежа можа забіць ці вылечыць у залежнасці ад прапорцый, піша сайт orthodox.od.ua.

Шматлікія даследаванні высветлілі, што дыеты па-рознаму ўплываюць на арганізм. З іх дапамогай можна знізіць цукар у крыві, пазбавіцца ад павышанага ціску. Існуюць і небяспечныя дыеты, якія дрэнна адбіваюцца на сэрцава-судзіннай сістэме і ўнутраных органах. Экспэрты назвалі 7 прадуктаў харчавання, якія зробяць чалавека шчаслівым і здаровым, абароняць ад дэпрэсіі і нягод жыцця. У спіс увайшлі поліненасычаныя тлустыя кіслоты амега-3. Яны ўтрымліваюцца ў арэхах, аліўкавым алеі, ласосі, сардзінах, скумбрыі, анчоусах. Ужываць іх трэба ў сярэдняй колькасці, бо ў пэўных відах рыб занадта шмат ртуці, а гэта рэчыва небяспечнае для здароўя.

Карысныя вітаміны групы B. Яны паляпшаюць метабалічныя працэсы арганізма і адыгрываюць важную ролю ў вытворчасці шэрагу рэчываў для мозгу. Вітамін B9 незаменны пры дэпрэсіі. Яго варта пашукаць у зялёнай ліставой гародніне, бабовых, мясе, яйках, піўных дражджах. Карысна ўжываць малочныя прадукты, цэльнае зерне.

Амінакіслоты служаць будаўнічымі блокамі пры стварэнні бялкоў. Натуральна яны жыццёва неабходныя чалавеку. Амінакіслоты станоўча ўплываюць на настрой. Напрыклад, трыптафан патрэбен для выпрацоўкі сератаніну, які ў народзе называюць «гармонам шчасця». Амінакіслоты знаходзяцца ў мясе, морапрадуктах, яйках і арэхах.

Мінералы, асабліва цынк, жалеза і магній адыгрываюць важную ролю ў фармаванні нервовай тканіны. Цынк удзельнічае ў многіх хімічных рэакцыях мозгу. Дэфіцыт магнію выклікае трывожнасць. Цынк можна знайсці ў нішчымным мясе, гарбузовых семечках. Магніем багатыя арэхі, бабовыя, зеляніна і соя. Жалеза ёсць у яблыках, печані, шпінаце.

Вітамін D - абавязковае рэчыва ў рацыёне, бо неабходны для развіцця мозгу і костак. Яго недахоп спрыяе развіццю псіхічных захворванняў, напрыклад, шызафрэніі. Ён можа вырабляцца пад уздзеяннем сонечных прамянёў. Таму ўлетку пажадана выходзіць на вуліцу хаця б на 15 хвілін на дзень у перыяд з 10 да 15 гадзін дня. Вітамін D ёсць у рыбе, грыбах і малацэ.

Вельмі карысныя раслінныя антыаксіданты. Яны пазбаўляюць арганізм ад стомы, выводзяць малочную кіслату. Антыаксіданты ўтрымліваюцца ў гародніне і садавіне. Апошні важны прадукт - гэта мікрабіётыкі. Яны станоўча ўплываюць на здароўе мозгу. Мікрабіётыкі ёсць у кефіры, квашанай капусце, ёгурце і лупіне садавіны.