16 лiпеня 2019, aўторак, 6:19
Мы ў адной лодцы
Рубрыкі

У Беларусі плануецца ўзмацніць пакаранне для п'яных кіроўцаў

18

Плануецца ўнесці змены ў Крымінальны кодэкс.

Афіцыйная прадстаўніца Генеральнай пракуратуры Анжаліка Курчак паведаміла, што ў Беларусі плануецца ўзмацніць пакаранне для п'яных кіроўцаў за ДТЗ са смяротным зыходам. Пра гэта піша БелТА.

Так, плануецца ўнесці змены ў Крымінальны кодэкс. Цяпер кіроўцу за п'янае ДТЗ, у якім з ягонай віны чалавек загінуў або атрымаў цяжкія траўмы, пагражае да сямі гадоў пазбаўлення волі. У выпадку прыняцця паправак пакаранне будзе больш жорсткім - пазбаўленне волі на тэрмін ад 3 да 8 гадоў.

Акрамя таго, п'яных кіроўцаў - вінаватых у смяротных ДТЗ, а таксама тых, хто перадаў нецвярозаму аўтамабіль, прапануецца пазбаўляць права кіравання на тэрмін да 8 гадоў (цяпер да 5 гадоў).

У КоАП і ПВКоАП у 18.16 Кодэкса аб адміністрацыйных правапарушэннях прапануецца прапісаць дыферэнцыраваную адказнасць у залежнасці ад канцэнтрацыі алкаголю ў крыві. ПВКоАП (ч.8 арт.8.7, накладанне арышту на маёмасць) плануецца дапоўніць нормай, якая дазваляе накладаць арышт на транспартны сродак кіроўцы, які трапіўся на п'янай яздзе, які перадаў нецвярозаму права кіравання, а таксама які сеў за стырно без пасведчання кіравання.

Прапанаваныя ініцыятывы ўключаныя ў праект закона «Аб змяненні кодэксаў у пытаннях адміністрацыйнай і крымінальнай адказнасці». Плануецца, што ў «палату прадстаўнікоў» папраўкі паступяць у красавіку 2020 года.