Жыхар Цюмені спрабаваў праехаць з Берасця ў ЕЗ пад вагонам грузавога цягніка
8- 1.08.2019, 15:55
- 13,173
Расеец хацеў прабрацца ў Еўразвяз у пошуку лепшага жыцця.
30 ліпеня ў пункце пропуску «Буг» памежнікі затрымалі мужчыну, які спрабаваў трапіць у Польшчу на грузавым цягніку, паведамляе tut.by.
Парушальніка знайшлі пад вагонам грузавога цягніка злучэннем Берасце - Малашэвічі.
З сабой у жыхара Цюмені былі толькі пашпарт і зменныя рэчы. Памежнікам ён прызнаўся, што хацеў незаконна прабрацца ў Еўразвяз у пошуку лепшых умоў жыцця.
На яго склалі адміністрацыйны матэрыял за незаконнае перасячэнне мяжы і парушэнне рэжыму ў пункце пропуску. Яму пагражаюць штраф і дэпартацыя з забаронай уезду ў Беларусь тэрмінам на 5 гадоў.