17 жнiўня 2019, Субота, 21:26
Мы ў адной лодцы
Рубрыкі

Вадзім Скрыпчанка: Калі Глеб прывядзе сябе ў парадак, ён дапаможа «Іслачы»

1
Вадзім Скрыпчанка: Калі Глеб прывядзе сябе ў парадак, ён дапаможа «Іслачы»
ВАДЗІМ СКРЫПЧАНКА

Галоўны трэнер «“Тарпеда”-БелАЗ» падзяліўся меркаваннем пра пераход Аляксандра Глеба ў «Іслач».

Словы Вадзіма Скрыпчанкі прыводзіць «Трибуна».

– Страты ў матчах з камандамі, якія таксама вядуць барацьбу за высокія месцы, ушчыльняюць еўракубкавую зону. Як на гэта рэагуе каманда?

– У любым выпадку нацэленыя змагацца за месцы ў верхняй частцы табліцы. Першае трыа адарвалася. Гэта БАТЭ, берасцейскае «Дынама» і «Шахцёр». Але ёсць «Тарпеда», «Іслач» і менскае «Дынама». Мы не трацім аптымізму. Трэба праходзіць адрэзак без стратаў балаў. Такіх як сёння. Ва ўсякім разе дома трэба браць свае балы, каб прынамсі імкнуцца ўклініцца ў барацьбу за прызавыя месцы.

– Вы гаворыце пра «Іслач», а яна падпісала Глеба. Як ацэніце ўзмацненне канкурэнтаў?

– Не хацелася б адказваць на гэтае пытанне. Так, мы ведаем Аляксандра як кваліфікаванага футбаліста. «Іслач» у іміджавым плане спрацавала добра. Узяць цяпер Глеба, нават у такім узросце, – гэта вялікі іміджавы плюс. Калі Аляксандр прывядзе сябе ў парадак, ён дапаможа «Іслачы». Наколькі зможа дапамагчы, пакажа час. Зрэшты, наша задача ніяк не змяняецца ў залежнасці ад таго, каго набываюць канкурэнты, – сказаў Скрыпчанка.