21 жнiўня 2019, Серада, 22:44
Мы ў адной лодцы
Рубрыкі

Па якіх гарадах камфортней за ўсё падарожнічаць

Па якіх гарадах камфортней за ўсё падарожнічаць

Апублікаваны рэйтынг для турыстаў.

TravelSupermarket апублікаваў рэйтынг гарадоў, па якіх камфортней за ўсё падарожнічаць. У рэйтынгу ўлічваецца, наколькі добра звязаныя транспартныя сеткі гарадоў, які кошт праезду, і ці зручна перасоўвацца па горадзе на ровары, піша vokrugsveta.ua.

Першае месца ў рэйтынгу заняла Барсэлона з яе 345 пешаходнымі экскурсійнымі маршрутамі, 6 тысячамі ровараў са зручнай схемай пракату і сучасным метро, а таксама даволі выгаднымі тарыфамі таксовак. Горад атрымаў 81,3 бала з 100 магчымых.

Другую пазіцыю ў рэйтынгу таксама заняў гішпанскі горад - Мадрыд - з лікам 75,8. Сталіца прапануе 166 пешаходных тураў і 1580 ровараў у сетцы пракату, а таксама займае сёмае месца паводле эфектыўнасці грамадскага транспарту.

У пяцёрку лідараў таксама ўвайшлі Шанхай і Пекін (Кітай), якія занялі трэцяе і чацвёртае месцы адпаведна, і Стамбул (Турцыя), які заняў пятае месца.

На іншым канцы спектру - Лас-Вегас, які палічылі найгоршым з вялікіх гарадоў для вывучэння. У сусветнай сталіцы азартных гульняў даступна ўсяго 33 пешаходныя туры і толькі 1 адсотак падарожжаў па горадзе здзяйсняецца пешшу. Агулам, ЗША паказалі дрэнныя вынікі, бо пяць з дзесяці апошніх пазіцый рэйтынгу займаюць менавіта амерыканскія гарады.

Стваральнікі рэйтынгу мяркуюць, што добра спазнаць горад за кароткую паездку можа быць няпроста. Калі падарожнік абмежаваны ў часе, вельмі важна, каб у горадзе была добра наладжаная сістэма грамадскага транспарту, зручныя пешаходныя маршруты і сетка пракату ровараў. У ідэале гэта ўсё павінна яшчэ каштаваць не вельмі дорага.

Атрыманыя звесткі паказваюць, што Гішпанія і Кітай у лідарах паводле колькасці гарадоў, максімальна зручных для вывучэння. Тым не менш, гарады з топ-10 раўнамерна размеркаваліся па кантынентах, ніводзін з якіх нарэшце не дамінуе.

10 найбольш камфортных для вывучэння гарадоў

Барсэлона, Гішпанія

Мадрыд, Гішпанія

Шанхай, Кітай

Пекін, Кітай

Стамбул, Турцыя

Парыж, Францыя

Мехіка, Мексіка

Лондан, Вялікабрытанія

Нью-Ёрк, ЗША

Токіё, Японія

10 найбольш некамфортных гарадоў

Лас-Вегас, ЗША

Дубай, ААЭ

Сіэтл, ЗША

Лос-Анджэлес, ЗША

Маямі, ЗША

Філадэльфія, ЗША

Бірмінгем, Велікабрытанія

Таронта, Канада

Мэльбурн, Аўстралія

Абу-Дабі, ААЭ