21 жнiўня 2019, Серада, 0:35
Мы ў адной лодцы
Рубрыкі

Ядзерны выбух у Расеі: Жыхарам вёскі Нёнакса прапанавалі пакінуць свае дамы

39
Ядзерны выбух у Расеі: Жыхарам вёскі Нёнакса прапанавалі пакінуць свае дамы
ФОТА: REUTERS

Лекараў абавязалі не выдаваць інфармацыю аб выбуху.

Жыхарам вёскі Нёнакса Архангельскай вобласці парэкамендавалі з 14 жніўня пакінуць свае дамы "у сувязі з планавымі работамі на вайсковым аб'екце". Пра гэта паведамляе інфармагенцтва "Інтэрфакс" са спасылкай на прэс-службу адміністрацыі Северадзвінска, піша dw.com.

"Нам ад кіраўніцтва Нёнацкага палігона паступіла абвестка пра планавыя мерапрыемствы органаў вайсковага кіравання. У сувязі з гэтым жыхарам Нёнаксы было прапанавана пакінуць тэрыторыю сяла з 14 жніўня", - цытуе агенцтва прадстаўніка прэс-службы. Улады Северадзвінска назвалі гэты крок звычайнай практыкай падчас правядзення выпрабаванняў.

Раней у СМІ з'явіліся паведамленні аб пастанове эвакуяваць населены пункт, які знаходзіцца за 40 кіламетраў ад Северадзвінска, дзе 8 жніўня адбыўся выбух на вайсковым палігоне. Аднак губернатар Архангельскай вобласці Ігар Арлоў зняпраўдзіў ў аўторак гэтую інфармацыю, назваўшы такія паведамленні журналістаў "поўнай лухтой". "Няма ніякай эвакуацыі", - заявіў Арлоў інфармагенцтву “Інтэрфакс".

Архангельскія лекары праходзяць абследаванне ў Маскве

У той жа час стала вядома аб тым, што архангельскія лекары, якія надавалі дапамогу пацярпелым ад НЗ, будуць накіраваны на абследаванне ў Маскву. Са звестак прэс-службы ўрада Архангельскай вобласці, "неабходнасць такога абследавання выказалі самі работнікі медыцынскіх устаноў”.

"Супрацоўнікі на жаданне могуць прайсці абследаванне ў федэральным цэнтры. Першая група супрацоўнікаў ужо накіравалася для гэтага абследавання", - падкрэсліў прадстаўнік урада Архангельскай вобласці, паказаўшы, што сама працэдура зойме два-тры дні, а колькасць медыкаў, якія надумалі яе прайсці, не вядома, "бо абследаванне праводзіцца згодна з жаданнем".

Лекараў абавязалі не выдаваць інфармацыю пра выбух

Пры гэтым лекары, якія працавалі на месцы здарэння пад Северадзвінскам, падпісалі абавязанні не выдаваць ніякую інфармацыю пра гэты інцыдэнт. Пра гэта паведамляе ў аўторак інфармагенцтва ТАСС са спасылкай на крыніцу ў медыцынскіх структурах Архангельска.

13 жніўня Расгідрамет паведаміў са спасылкай на Паўночную ўправу гідраметэаралогіі і маніторынгу навакольнага асяроддзя, што ўзровень радыяцыі ў Северадзвінску, пасля інцыдэнту перавысіў на асобных станцыях норму ў 16 разоў, ужо праз паўгадзіны значна панізіўся, а праз дзве гадзіны нармалізаваўся.

Як заявіў у аўторак экс-кіраўнік Расспажыўнагляду Генадзь Анішчанка, "падвышэнне радыяцыйнага фону ў Северадзвінску было кароткачасовым і не нясло небяспекі для насельніцтва". На сайце галоўнай управы МНС Архангельскай вобласці таксама з'явілася інфармацыя аб тым, што пробы грунту, вады і пяску ў Северадзвінску і яго ваколіцах адпавядаюць натуральнаму прыроднаму фону.

Выбух на палігоне ў Архангельскай вобласці

Пра інцыдэнт на палігоне ў Северадзвінску Мінабароны РФ паведаміла 8 жніўня. З афіцыйных звестак, выбух адбыўся на марской платформе падчас выпрабавання ракеты з радыеізатопнай крыніцай харчавання. У сваю чаргу некаторыя экспэрты асцерагаюцца, што напраўду выбухнуў доследны ўзор расейскай ракеты з ядзерным рухавіком "Буравеснік", які ў 2018 годзе прэзентаваў асабіста прэзідэнт Уладзімір Пуцін. Гэтую версію падтрымаў і прэзідэнт ЗША Дональд Трамп, выкарыстаўшы для апісання ракеты яе амерыканскую класіфікацыю "Skyfall".