Навукоўцы стварылі вакцыну супраць алергіі на котак

Вакцына ўздзейнічае не на людзей, а на жывёл.

Швейцарская кампанія Hypocat паведаміла пра стварэнне вакцыны супраць алергіі на котак. Вынікі сваіх даследаванняў навукоўцы апублікавалі ў часопісе «The Journal of Allergy and Clinical Immunology», піша часопіс «Нож».

Вакцына ўздзейнічае не на людзей, а на жывёл - прэпарат трэніруе іх імунную сістэму, каб арганізм мог атакаваць спецыфічны пратэін-алерген Fel d 1, што вылучаецца натуральным чынам. Менавіта ён выклікае ў некаторых людзей алергію.

Прэпарат праверылі на 54 здаровых кошках - усе яны змаглі развіць імунную рэакцыю і стаць гіпаалергеннымі. Да негатыўных наступстваў для іх здароўя вакцына не прывяла.

Наперадзе яшчэ некалькі клінічных выпрабаванняў, пасля якіх прэпарат выпусцяць на рынак. Навукоўцы падкрэсліваюць, што іх распрацоўка выгадная жывёлам таксама, як і людзям - магчыма, гаспадары перастануць пакідаць гадаванцаў на вуліцы або ў прытулку пасля першых сімптомаў алергіі.