Колькасць пацярпелых у аварыйнай пасадцы самалёта ў РФ перавысіла 70 чалавек

Сярод пацярпелых - 19 дзяцей.

Колькасць пацярпелых у выніку аварыйнай пасадкі самалёта Airbus A321 ў расейскім Падмаскоўі вырасла да 74 чалавек. Пра гэта паведамляюць расейскія СМІ.

Як паведамляецца, сярод пацярпелых - 19 дзяцей.

«Адзін чалавек шпіталізаваны. Астатнія адмовіліся ад шпіталізацыі», - гаворыцца ў паведамленні.

У Расейскай Федэрацыі ў Падмаскоўі пасярод поля экстранна сеў самалёт з рухавіком, якая загарэўся, самалёт кіраваўся ў Крым. На борце лайнера знаходзіліся 234 чалавекі, у тым ліку сем чальцоў экіпажу. Ён ляцеў рэйсам у акупаваны Расеяй Сімферопаль. Пры наборы вышыні лайнер сутыкнуўся з чарадой кагарак. Абодва рухавікі А321 адключыліся, у іх трапілі птушкі. Адзін з іх загарэўся.