Сінгапур стаў прытулкам багацеяў

Інвестары разглядаюць мясцовы рынак як адзін з самых бяспечных для пасіўнага заробку.

Продажы нерухомасці ў Сінгапуры падскочылі да максімуму за апошнія восем месяцаў. Інвестары разглядаюць мясцовы рынак як адзін з самых бяспечных для пасіўнага заробку. Напружаная сітуацыя ў сусветнай гандлі прымушае захоўваць грошы ў надзейным месцы, піша lenta.ru са спасылкай на Bloomberg.

За ліпень у горадзе-дзяржаве было прададзена 1178 кватэр у новых дамах, што на 43 адсоткі больш у параўнанні з папярэднім месяцам. Паводле звестак Гарадской ўправы рэканструкцыі, гэта найлепшы вынік з лістапада 2018 года. Пакупкі нерухомасці замежнікамі падвоіліся да 82 адзінак, што з'яўляецца самым высокім паказчыкам за год.

Найбольшым попытам карыстаюцца дарагія кватэры. Са студзеня да ліпеня было прададзена 49 апартаментаў на суму 3,6 мільёна даляраў супраць 30 за ўвесь мінулы год.

Кампанія OrangeTee & Tie Pte называе яшчэ і дадатковыя прычыны такога раптоўнага росту. Гэта вяртанне пакупнікоў пасля чэрвеньскіх адпачынкаў і жаданне забудоўшчыкаў паскорыцца перад жніўнем - сёмым месяцам у адпаведнасці з традыцыйным для складнікаў большую частку насельніцтва Сінгапура кітайцаў месяцовым календаром. У Кітаі гэты месяц ўважаецца за неспрыяльны для набыцця жылля.

Продажы, імаверна, упадуць у жніўні, а затым зноў пачнуць расці ў верасні-кастрычніку, калі на рынку з'явяцца новыя аб'екты. Аналітыкі кансалтынгавай кампаніі Colliers International прагназуюць, што кошты на прыватныя дамы вырастуць на адзін адсотак у гэтым годзе. Эканамічны рост самога Сінгапура, у чаканнях экспэртаў, складзе максімум адзін адсотак.