Трамп - не першы амерыканскі прэзідэнт, якому спадабалася Грэнландыя
- 18.08.2019, 11:01
- 8,895
Чаму гэтая выспа стратэгічна важная для ЗША.
Урад Грэнландыі адпрэчыў здагадкі аб тым, што выспа выстаўленая на продаж. Учора ўвечары газета Wall Street Journal паведаміла, што прэзідэнт ЗША ў гутарках са сваімі дарадцамі неаднаразова цікавіўся магчымасцю набыцця выспы, якая належыць Даніі, паведамляе «Голас Амерыкі».
Аднак гэта ўжо не першы выпадак у гісторыі, калі ЗША цікавяцца купляй гіганцкай выспы, пакрытай лёдам, і размешчанай паблізу Паўночнай Амерыкі.
У 1860-х гадах дзяржсакратар ЗША ва ўрадзе Абрагама Лінкальна Уільям Генры Сцюарда, які ў той час вёў перамовы з Расеяй аб куплі Аляскі, прапанаваў таксама купіць Грэнландыю ды Ісландыю. У дакладзе, які на даручэнне адміністрацыі Эндру Джонсана тады прадставіў Дзярждэпартамэнт, гаварылася, што прыродныя рэсурсы Грэнландыі робяць яе каштоўным капіталаўкладаннем. Аднак гэтую ідэю так і не ўвасобілі ў жыццё.
У 1946 годзе, пасля заканчэння Другой сусветнай вайны, прэзідэнт Гары Трумэн прапанаваў Капенгагену 100 млн даляраў за куплю Грэнландыі ў сувязі з геапалітычным і стратэгічным значэннем выспы. Аднак Данія ад гэтай прапановы адмовілася.
Не прадаецца
У пятніцу на афіцыйным сайце ўрада Грэнландыі апублікавалі наступны каментар: «У нас добрыя сувязі з ЗША, і мы разглядаем гэта як знак яшчэ большай зацікаўленасці ў інвеставанні ў нашу краіну і ў магчымасці, якія мы прапануем. Зразумела, Грэнландыя не прадаецца. З прычыны неафіцыйнага характару гэтай навіны, ва ўрада Грэнландыі больш няма каментароў».
#Greenland is rich in valuable resources such as minerals, the purest water and ice, fish stocks, seafood, renewable energy and is a new frontier for adventure tourism. We're open for business, not for sale❄️🗻🐳🦐🇬🇱 learn more about Greenland on: https://t.co/WulOi3beIC
— Greenland MFA 🇬🇱 (@GreenlandMFA) August 16, 2019
Міністэрства замежных спраў Грэнландыі апублікавала твіт, у якім гаварылася, што ўлады выспы «адкрытыя для вядзення бізнэсу, а не для продажу».
Выданне Wall Street Journal першым паведаміла ў чацвер увечары пра тое, што Дональд Трамп абмяркоўваў куплю з «рознай ступенню сур'ёзнасці».
Белы дом пакуль ніяк не пракаментаваў запыт «Голаса Амерыкі» ў сувязі з гэтай інфармацыяй.
Грэнландыя - аўтаномная дацкая тэрыторыя, размешчаная паміж Атлантычным і Паўночным Ледавітым акіянамі, на ўсход ад Канадскага арктычнага архіпелага. Грэнландыя стала тэрыторыяй Даніі ў 1814 годзе і была цалкам інтэграваная ў дацкую дзяржаву ў 1953 годзе.
Многія палітыкі высмеялі ідэю куплі Грэнландыі ў сацсетках. Дэвід Аксельрод, які займаў пасаду старэйшага дарадцы ў адміністрацыі Абамы, напісаў такі твіт: «Калі б ЗША сапраўды купілі Грэнландыю, як мяркуе прэзідэнт, ён бы пераназваў яе ў Трампландыю?»
If the U.S. actually could purchase Greenland, as @POTUS apparently has suggested, would he rename it Trumpland?#Branding
— David Axelrod (@davidaxelrod) August 16, 2019
Дацкія палітыкі, у тым ліку былы прэм'ер-міністра Ларс Лока Расмусэн, таксама адкінулі гэтую ідэю. «Гэта, мусіць, першакрасавіцкі жарт... але выказаны не ў сезон», - напісаў ён у твітэры.
Не першая купля
У 1916 годзе ЗША ў адпаведнасці з Дамовай аб Дацкай Вест-Індыі набылі ў Даніі тэрыторыю, вядомую цяпер як Амерыканскія Віргінскія Выспы. Найбуйнейшыя астравы тэрыторыі, Санта-Крус, Сэнт-Джон і Сэнт-Томаса, ператварыліся ў папулярныя турыстычныя кірункі.
Выспы разглядаюцца як «няўключаныя тэрыторыі» ЗША - яны кантралююцца ўрадам ЗША, аднак канстытуцыя ЗША выкарыстоўваецца на гэтай тэрыторыі толькі выбарачна.