Колькі каштуе сабраць дзіця школу ў Беларусі і Польшчы
8- 18.08.2019, 15:48
- 24,721
Журналісты параўналі кошты.
1 верасня абяцае бацькам школьнікаў не толькі гаму складаных эмоцый, але і некаторыя абавязковыя выдаткі. Дакладней абавязковым будзе спіс пакупак, а выдаткаваная сума шмат у чым залежыць ад нашай прадпрымальнасці. Аднак, на агульнае меркаванне, сабраць дзіця ў школу – ўсё адно дорага.
Myfin.by параўноўвае кошты набору школьніка ў Беларусі і суседняй Польшчы.
Летась была апублікаваная цікавая статыстыка аб тым, колькі каштуе абавязковы набор тавараў для школы ў розных краінах, і якую частку сярэдняга заробку давядзецца за гэта аддаць:
на аднаго беларускага школьніка ў 2018 годзе прыпадала $112,
ва Украіне $70,
у Расеі $125,
у Польшчы $75
У кошце школьнага набору мы ўвайшлі ў пяцёрку самых дарагіх краін (з 22 прадстаўленых) і ў грашовым эквіваленце, і ў адсотках. Статыстыкі на 2019 года яшчэ няма, але школьныя тавары ў агульнай масе не патаннелі.
З заявы МАРГ, усё неабходнае для школы ў 2018 годзе каштавала ад 145 рублёў да 890 рублёў. Сёлета максімальная лічба такая ж, мінімальная не агучаная.
Прадстаўнікі Беллегпрама паведамляюць, што кошт камплекта адзення і абутку дзелавога стылю пачынаецца ад 157 рублёў для малодшых школьнікаў і ад 178 рублёў для старшакласнікаў. Сярэдні кошт прыкладна ў 2-2,5 разы вышэйшы.
Што абавязкова трэба набыць для школы?
Склад «школьнага спажывецкага кошыку» з году ў год змяняецца, але не прынцыпова. Дакладную інфармацыю звычайна выдаюць на бацькоўскім сходзе ў канцы навучальнага года.
Школьніку спатрэбяцца:
мінімум 1 камплект адзення дзелавога стылю (у рэальнасці 2 камплекты і 2-4 кашулі ці блузкі);
ранец, торба ці прыдатны для школы заплечнік;
зменны абутак;
спартовы абутак і адзенне для ўрокаў фізкультуры;
шырокі спіс канцылярскіх прыладаў;
фарбы, алоўкі і іншыя прадметы для творчасці;
пеналы і іншыя дапаможныя прадметы.
У старэйшых класах знікаюць фарбы, але з'яўляюцца іншыя выдаткі. Верхнюю вопратку, абутак і прадметы ўжытку ў школьны спіс не дадаём.
Асноўная маса патрэбнага школьнікам - не дэфіцыт. Усё можна знайсці ў крамах, на школьных кірмашах і ў сеткавых прадаўцоў. Тавараў, якія варта купляць менавіта ў Беларусі, няшмат - толькі дзённік і некаторыя сшыткі.
Чым прыцягваюць закупы ў Польшчы
Альтэрнатывай айчынным прадаўцам можа быць заказ праз інтэрнэт за мяжой, напрыклад на Аліэкспрэс. Аднак не кожны набудзе рэч для дзяцей, якую не пакратае рукамі. Акрамя таго - танныя тавары без сур'ёзнай пераплаты могуць ісці 30-60 дзён.
Ехаць на закупы ў цэнтральныя і заходнія краіны Еўропы, дзе патрабаванні да якасці вышэйшыя, дзеля школьнага набору нерэнтабельна.
А Польшча - гэта блізка і хутка, шоп-туры на выхадныя стартуюць з частатой прыгарадных аўтобусаў. У Польшчы таксама пачаліся распродажы для школьнікаў, з коштамі можна азнаёміцца ў інтэрнэце.
Гэта выгадна?
Для параўнання возьмем кошты ў «Бусліку», на школьных кірмашах і ў інтэрнэце. Цэны Польшчы глядзім у буйных сетак: Aldi, Auchan, Pepco, Carrefour.
У гэтым параўнанні Польшча амаль у паўтара разы таннейшая. Хоць у абодвух выпадках журналісты бралі мінімальныя кошты падчас акцый, польскія распродажы прыкметна выгаднейшыя за айчынныя.
У параўнанне не ўвайшлі дробныя тавары накшталт вокладак для сшыткаў. Яны дрэнна падыходзяць для статыстыкі, бо занадта разнастайныя па вонкавым выглядзе і якасці. Звычайна ў Польшчы ўсё гэта таннейшае, але некаторыя кошты ніжэйшыя ў нас.
Яшчэ адзін плюс на карысць закупаў - заўсёднікі польскіх рынкаў умеюць знаходзіць мінімальныя кошты ў невялікіх крамах, якія звычайна не рэкламуюць свае кошты ў інтэрнэце.
Абгрунтаваная выснова - тым, хто хоча зэканоміць на падрыхтоўцы дзіцяці да школы, асабліва, калі ён не адзін, больш выгадна ехаць «на закупы ў Польшчу».