Жыхары Смалявіцкага раёна задаліся пытаннем, куды ідзе «дарожны падатак»
7- 18.08.2019, 16:55
- 12,876
У Смалявіцкім раёне абураныя станам дарогі.
Жыхар вёскі Бярозавай Гары Смалявіцкага раёна звярнуў увагу на стан грунтавой дарогі на пад'ездзе да населенага пункта, піша сайт mlyn.by.
«Не дарога, а пральная дошка!» - запэўнівае Анатоль Іванавіч. Ён звярнуўся на жывую лінію, якую правёў намеснік старшыні Менаблвыканкама Іван Маркевіч.
- Працягласць дарогі - два кіламетры. Сёлета яе не чысцяць і не раўнуюць. Невялікую частку - метраў 300 - падсыпалі друзам, а на пакінутай складана праехаць нават з хуткасцю 20 кіламетраў за гадзіну, - кажа Анатоль Іванавіч.