Лукашэнка прызначыў галоўнага ідэолага і куратара СМІ

Ім стаў 40-гадовы журналіст з Магілёва.

Лукашэнка, прызначаючы Андрэя Кунцэвіча намеснікам кіраўніка сваёй адміністрацыі, актуалізаваў задачы, якія стаяць сёння перад ідэалагічнай вертыкаллю, піша БелТА.

На пасадзе намесніка кіраўніка адміністрацыі Андрэй Кунцэвіч будзе курыраваць сферы ідэалогіі і працы СМІ.

«Павінен сказаць, што з карабля на баль. Часу для разварушвання няма. Таму што перадвыбарная кампанія - гэта і вялікая ідэалагічная работа. А вам давядзецца займацца перш за ўсё комплексам ідэалагічнай працы, пачынаючы ад журналістыкі і заканчваючы, шчыра скажу, лекцыямі ў ВНУ, - адзначыў ён. - Гэта самае слабае месца нашых дзяржаўных службоўцаў - сустракацца з моладдзю, распавядаць ім пра тую палітыку, якая праводзіцца ў дзяржаве. Таму што наша моладзь, у інтэрнэце якая сядзіць, не заўсёды прачытае пра гэтую палітыку. А калі і прачытае, то часцяком усё на левы бок перакуленае».