Жыхар Гарадка знайшоў грыб вагой амаль 4 кілаграмы

Выстарчыла на некалькі абедаў для ўсёй сям'і.

Жыхар Гарадка Генадзь Ганчароў знайшоў каля лецішча порхаўку, якая важыла амаль 4 кг. Хапіла на некалькі абедаў для ўсёй сям'і, піша tut.by.

Порхаўка расла каля лецішча сям'і Ганчарова ў вёсцы Пагост Далгапольскага сельсавета. Знайшоў яе галава сямейства.

Жонка грыбніка, Ірына, распавяла, што ім ужо двойчы трапляліся такія дзіўныя знаходкі, але тыя былі вагой меншыя. А гэтым волатам - ён важыў 3,7 кг, накармілі ўсю сям'ю, прычым не адзін раз. Ганчаровы кажуць, што грыб вельмі смачны.

Калі іншыя грыбы ставяць рэкорды час ад часу, то порхаўкі заўсёды маюць вялікія памеры. Напрыклад, у 2017 годзе жыхар Іванаўскага раёна знайшоў у мясцовым лесе два грыбы памерам большыя за баскетбольны мяч. У Камянецкім раёне мужчына на лецішчы выявіў пяцікілаграмовую порхаўку, а ў вёсцы Віржы Докшыцкага раёна вырас грыб вагой 4,1 кг.

Порхаўкамі называюць маладыя грыбы, у якіх яшчэ не ўтварылася парашковая маса («пыл»). Іншыя народныя назвы: пчаліная губка, заячая бульбачка. А выспеламу грыбу людзі прыдумалі яшчэ больш мянушак: галавач, пырхаўка, пылявік, дзядуляў тытунь, воўчы тытунь, тытунёвы грыб, чортава таўлінка і г.д. Порхаўкі ядомыя, пакуль не страцяць белы колер.

Порхаўка ў Беларусі занесеная ў Чырвоную кнігу.