29 сакавiка 2024, Пятніца, 0:56
Падтрымайце
сайт
Сім сім,
Хартыя 97!
Рубрыкі

ЕЗ адказаў прэм'еру Брытаніі: пагадненне пра Brexit пераглядацца не будзе

3
ЕЗ адказаў прэм'еру Брытаніі: пагадненне пра Brexit пераглядацца не будзе
Дональд Туск

Брытанія хоча ўрэгуляваць пытанне пра межы з Ірландыяй.

ЕЗ не будзе пераглядаць пагадненне пра Brexit у частцы механізму «бэкстоп», выключэнне якога патрабуе прэм'ер Вялікабрытаніі Барыс Джонсан.

Пра гэта паведамляе «Еўрапейская праўда».

«Бэкстоп» - гэта страхоўка, каб пазбегнуць жорсткай мяжы на востраве Ірландыя, пакуль і калі не будзе знойдзена альтэрнатыва. Тыя, хто выступае супраць «бэкстопа» і не прапаноўвае рэалістычных альтэрнатыў, фактычна падтрымліваюць аднаўленне мяжы. Нават калі яны гэтага не прызнаюць», - напісаў прэзідэнт Еўрапейскай рады Дональд Туск у Twitter.

Пра тое, што пагадненне аб Brexit пераглядацца не будзе, заявіла і прадстаўніца Еўракамісіі на штодзённым брыфінгу ў Брусэлі.

Нагадаем, прэм'ер-міністр Вялікабрытаніі Барыс Джонсан звярнуўся наўпрост да прэзідэнта Еўрапейскай рады Дональда Туска з заклікам перагледзець пагадненне аб Brexit, выключыўшы з яго механізм «бэкстоп».

«Бэкстоп» - механізм, мэта якога - прадухіліць з'яўленне жорсткай мяжы паміж Ірландыяй і Паўночнай Ірландыяй. Супраць яго выступае значная частка брытанскіх дэпутатаў, якія асцерагаюцца, што ён адлучыць Паўночную Ірландыю ад астатняй часткі Злучанага Каралеўства.

Напісаць каментар 3

Таксама сачыце за акаўнтамі Charter97.org у сацыяльных сетках