22 лiстапада 2019, Пятніца, 6:51
Праўда пра «выбары»
Рубрыкі

Відэафакт: Хлопец з Берасця нішчыць сякерай «Еўраопт»

25
Відэафакт: Хлопец з Берасця нішчыць сякерай «Еўраопт»

Выпадак адбыўся 17 жніўня.

Некалькі дзён таму хлопец з Берасця ўночы ўварваўся ў «Еўраопт». Ён руйнаваў гіпермаркет сякерай. Цяпер Следчы камітэт апублікаваў відэа, на якім бачна, што адбывалася ў краме, піша kyky.org.

Выпадак адбыўся 17 жніўня. Са звестак СК, хлопцу 18 гадоў. Ён прыйшоў у краму п'яным. Дзверы гіпермаркета былі зачыненыя, таму берасцеец разбіў шкло сякерай, якую купіў загадзя. Ён сек тавары, біў вітрыны, перакульваў бутэлькі - дасталася нават аўтамабілю. На відэа можна заўважыць, як хлопец блукае па памяшканнях і прытанцоўвае.

Ахова «Еўраопта» выклікала міліцыю. Сілавікі запатрабавалі кінуць сякеру і добраахвотна здацца, але маладзён рушыў са зброяй на праваахоўнікаў. Ён супакоіўся толькі тады, калі міліцыянты сталі страляць у паветра. Хлопца затрымалі, на яго пачалі крымінальную справу аб хуліганстве. Яму пагражае да трох гадоў калоніі.