Пампея: ЗША зробяць усё, каб перашкодзіць іранскаму танкеру даставіць нафту ў Сірыю

Амерыканскія санкцыі могуць быць уведзеныя ў дачыненні да ўсіх патэнцыйных памочнікаў Ірана.

ЗША распачнуць усе магчымыя меры, каб перашкодзіць іранскаму танкеру даставіць нафту ў Сірыю ў парушэнне санкцыйнага рэжыму. Дзяржсакратар Майк Пампея папярэдзіў пра гэта ў аўторак на пасяджэнні Рады Бяспекі ААН, паведамляе «Голос Америки».

Амерыканскія санкцыі могуць быць уведзеныя ў дачыненні да ўсіх патэнцыйных памочнікаў Ірана, якія спрыяюць праходу танкера ў сірыйскі порт для дастаўкі нафты.

«Калі гэта судна зноў накіруецца ў Сірыю, мы прымем усе магчымыя меры, у адпаведнасці з санкцыйным рэжым, каб не дапусціць гэтага», - заявіў кіраўнік Дзярждэпартамента.

Іранскі танкер Adrian Darya, які раней насіў імя Grace 1, выйшаў з порта Гібралтар 18 жніўня. Паводле звестак сачэння за суднамі, танкер рухаецца ў напрамку грэцкага порта Каламта.