Відэафакт: Metallica праспявала песню музыкі з Беларусі

На канцэрце ў Варшаве гурту дапамагалі 72 тысячы гледачоў.

21 жніўня Metallica выступала ў Варшаве ў рамках еўрапейскай часткі свайго турнэ. Паводле традыцыі гэтых гастроляў, у кожнай краіне гурт выконвае песню музыкі адтуль. На такі нумары на сцэне застаюцца Кірк Хэмет і Роберт Трухільё, якія выходзяць на авансцэну ззаду невялікай фан-зоны, піша kp.by.

І пад акампанемент двух гітар разам са шматтысячным хорам спяваюць нацыянальны хіт. Вядома, Хэмет падглядае ў шпаргалку, якая ляжыць на сцэне, але публіка ўсё яму даруе за такі шыкоўны музычны падарунак.

Варшаўскі Нацыянальны стадыён, які змяшчае 72 з лішнім тысячы чалавек, выбухнуў на першых акордах такога шлягера. Ім аказаўся «Сон аб Варшаве». Песню разам з удзельнікамі Metallica гледачы праспявалі цалкам. Не дзіўна, бо гэта адзін з польскіх суперхітоў, які больш за 50 гадоў лічыцца нефармальным гімнам польскай сталіцы, а з яго выканання пачынаюцца матчы мясцовага футбольнага клуба «Легія».

А напісаў гэтую песню Чэслаў Немэн, ураджэнец беларускай вёскі Старыя Васілішкі - сёлета яму споўнілася б 80 гадоў. Публіка падчас выканання Metallica «Сну аб Варшаве» без напамінку ўключыла ліхтарыкі смартфонаў і, фактычна, сама праспявала мега-хіт.

На відэа карыстальнікаў Youtube відаць, што Кірк Хэмет няпроста даецца запісаная на шпаргалцы транскрыпцыя з польскага тэксту са спецыфічным вымаўленнем. Аднак артыст справіўся і заслужыў ашаламляльную авацыю. Дарэчы, тады на сцэнічным экране з'явіўся партрэт Немэна ў яго класічным вобразе 1970-х - у капелюшы і з доўгімі валасамі.

Даведка. Чэслаў Немэн нарадзіўся ў 1939-м. Да 19 гадоў ён жыў у БССР, вучыўся тут музыцы спачатку ў бацькі-арганіста, потым у музычнай вучэльні ў Горадні. У 1958-м разам з сям'ёй рэпатрыяваўся ў Польшчу - Выджыцкія (сапраўднае прозвішча Немэна) уважалі сябе палякамі.

Менавіта за заходняй мяжой СССР пачалася неверагодная кар'ера музыкі. Ён атрымаў вышэйшыя дзяржаўныя і прафесійныя ўзнагароды Польшчы, яго называлі польскім артыстам стагоддзя, голасам пакалення 1960-х, а песню «Дзіўны гэты свет» - сімвалам апошняга.

Музыкі не стала 15 гадоў назад - ён памёр ад анкалогіі. У Беларусі пра Немэна нагадвае музей у яго родным доме ў Старых Васілішках.