Расея і Кітай падвялі Лукашэнку ў гандлі
9- 23.08.2019, 9:42
- 13,652
Галоўныя «хаўруснікі» сталі галоўнымі генератарамі адмоўнага сальда для Беларусі.
Казахстан і Бразілія ўвайшлі ў першы дзясятак найважнейшых гандлёвых партнёраў Беларусі ў першым паўгоддзі 2019 года.
За красавік-чэрвень гэтага года яны выціснулі з рэйтынгу Італію і Турцыю, піша «Заўтра тваёй краіны».
Сума таварнага абарачэння ў першым паўгоддзі ў параўнанні з аналагічным перыядам 2018 год скарацілася на 2,6% і склала 34,508 млрд даляраў. Зменшыліся ў грашовым вылічэнні як экспартныя пастаўкі (на 4,1% да 15,89 млрд даляраў), так і імпарт (на 1,3% да 18,618 млрд даляраў).
На выніковых паказчыках адбіваецца скарачэнне аб'ёмаў узаемных паставак з Расеяй, а таксама зніжэнне паставак нафтапрадуктаў пакупнікам у Злучаным Каралеўстве і Нідэрландах.
Найважнейшымі гандлёвымі партнёрамі Беларусі далей застаюцца Расея, Украіна і Кітай.
У той жа час Расея і Кітай у студзені-чэрвені гэтага года сталі галоўнымі генератарамі адмоўнага сальда нашай краіны ў гандлі таварамі. Таксама ў першую тройку краін, гандаль з якімі лёг цяжарам на сальда, увайшлі ЗША (-291,5 млн даляраў). Адзначым, што ў другім квартале адмоўнае сальда павялічвалася хутчэй (1 680 млн даляраў), чым у студзені-сакавіку (1 048 млн даляраў).
Галоўнымі краінамі-пакупцамі беларускіх тавараў у першым паўгоддзі сталі Расея (6 399,3 млн даляраў), Украіна (1 816,8 млн даляраў), Злучанае Каралеўства (1 268,8 млн даляраў), Польшча (662,6 млн даляраў) і Нямеччына (568,3 млн даляраў).
Крыніцамі імпарту выступілі прадаўцы з Расеі (10 345,1 млн даляраў), Кітай (1 660,3 млн даляраў), Украіна (842,7 млн даляраў), Нямеччына (805,9 млн даляраў) і Польшча (624,6 даляраў ).
№ | Страна | Объем товарооборота в 1 полугодии 2019г., в млн. долларов | Темп роста к 1 полугодию 2018г., в % | Сальдо, в млн. долларов |
1 | Россия | 16 744,4 | 95,6 | -3 945,8 |
2 | Украина | 2 659,5 | 103,5 | 974,1 |
3 | Китай | 2 053,1 | 122,3 | -1 267,6 |
4 | Соединенное Королевство | 1 406,1 | 81,7 | 1 131,5 |
5 | Германия | 1 374,1 | 85,6 | -237,6 |
6 | Польша | 1 287,2 | 99,2 | 38,0 |
7 | Литва | 716,7 | 102,5 | 329,9 |
8 | Нидерланды | 643,5 | 58,9 | 242,0 |
9 | Бразилия | 502,3 | 141,6 | 65,9 |
10 | Казахстан | 481,7 | 111,8 | 327,0 |
|
| 34 508,8 | 97,4 | - 2 728,0 |
По данным Национального статистического комитета Республики Беларусь