Немцы заплацяць мільён еўра за адказ на ўсяго толькі адное пытанне
4- 23.08.2019, 12:05
- 20,771
Заяўкі ад удзельнікаў могуць быць пададзеныя ў выглядзе малюнка, відэароліка або тэксту.
Улады горада Білефельд на поўначы Нямеччыны паабяцалі выплаціць мільён еўраў кожнаму, хто зможа бясспрэчна давесці, што гэтага населенага пункта не існуе. Заяўкі на ўдзел у конкурсе могуць падаць усе паўналетнія немцы да 5 верасня 2019 года, піша segodnya.ua.
Як высветлілася, гісторыя, якая ляжыць у аснове абвешчанага конкурсу, пачалася 26 гадоў таму. У 1993 годзе студэнт на імя Ахім Хельд у сістэме абмену паведамленнямі Usenet напісаў: «Білефельд? Такога не існуе». За гэтыя гады жарт пра горад Білефельд стала ў Нямеччыне мэмам. У 2012 годзе гэтае "пытанне" у сваім выступе абыграла нават канцлерка Ангела Мэркель, прысутная на адным з мерапрыемстваў у Білефельд. «Усё ж ён існуе», - заявіла тады яна.
Es ist soweit- der Anfang vom Ende der #Bielefeld-Verschwörung ist eingeläutet. 👍🏻Für alle, die an der Behauptung "Bielefeld gibt es nicht" festhalten, gibt es als Anreiz, uns den ultimativen Beweis zu liefern 1️⃣ #Million Euro!!! 🤩
— Bielefeld JETZT (@BielefeldJETZT) August 21, 2019
➡️ https://t.co/MxBpVjwwkN#bielefeldmillion pic.twitter.com/vQwlqjcyMI