Расея правяла навучальныя пускі балістычных ракет
10- 24.08.2019, 12:50
- 10,574
Ракеты былі выпушчаныя з раёна Паўночнага Ледавітага акіяна і з акваторыі Баранцавага мора.
Міністэрства абароны Расеі правяло навучальныя пускі балістычных ракет «Сінь» і «Булава» з атамных падводных лодак «Тула» і «Юрый Далгарукі». Пра гэта паведамляецца на сайце ведамства. Выпрабаванні праведзеныя на наступны дзень пасля таго, як прэзідэнт краіны Уладзімір Пуцін паабяцаў «сіметрычны адказ» на пуск наземнага варыянту крылатай ракеты «Тамагаўк» у ЗША, паведамляе «Радио Свобода».
Расейскія ракеты былі выпушчаныя з прыполюснага раёна Паўночнага Ледавітага акіяна і з акваторыі Баранцавага мора. Яны паспяхова пабілі навучальныя мэты на палігонах у Архангельскай вобласці і Камчатцы, паведамляе Міністэрства абароны.