«Танней заплаціць штраф, чым «дарожны збор»

Што беларусы думаюць пра тэхагляд.

Ёсць тыя, хто мяркуе, што танней заплаціць штраф, чым так званы «дарожны збор». Іншыя перакананыя, што тэхагляд трэба праходзіць найперш для сваёй бяспекі, а не для ДАІ, піша сайт kurjer.info.

З 7 да 15 жніўня ў Слуцкім раёне інспектары ДПС надавалі «асаблівую ўвага» тэхагляду аўтамабіляў: з 500 правераных транспартных сродкаў у 93-х - ТА не было.

Што беларусы думаюць пра тэхагляд:

Валянцін Слуцкі: «З вашай логікі, калі чалавек мае асабісты аўтамабіль, то павінен проста так плаціць за яго збор у скарбніцу. Ну, а калі чалавек зарабляе і можа сабе дазволіць не адзін аўтамабіль, то ён буржуй і кулак і яго трэба тэрмінова раскулачыць... забывайце ўжо гнілы савок, калі аўтамабіль быў адзін на пад'езд. У цывілізаваным свеце аўто не раскоша, а сродак руху».

Аляксандр Лешчанка: «Гэтыя асабістыя аўто каштуюць па 500$. І калі вы жывяце ў горадзе, дзе ўвесь час ходзяць аўтобусы, то паспрабуйце выехаць і вярнуцца на аўтобусе з вёскі».

«Дарогі і праўда жах. Эканомяць, а грошы выдадзеныя з бюджэту ў кішэню грабуць. Максімум 1 тыдзень дарога будзе нармальная, а пасля - жах».

«Час масава прадаваць МС і з'язджаць з краіны на ПМЖ».

Ілля Самусевіч: «Я з тых, хто ведае, дзе ездзіць. Я лепш гэтыя грошы ў аўто ўкладу. А па менскіх колавых і М1 не езджу, а грошы толькі туды і ідуць. Вось калі зробяць хаця б у нас на вуліцы, тады буду плаціць і праходзіць. А так я апошні раз каток бачыў у 1995 годзе. Утрымліваць бедную дзяржаву не хачу, мне ёсць каго карміць».

Дзімон Лапіцкі: «Калі вы прайшлі ТА, гэта не значыць, што ў вас на працягу года не сапсуюцца тармазы ці не адваліцца кола. Для сябе дастаткова своечасова ўсё мяняць, а не бегчы ТА праходзіць».

Ігар Сабака: «Тэхагляд яшчэ нічога не кажа пра тэхнічны стан транспартнага сродку».

Зміцер Марчук: «Хай лепш узмоцнена правераць стан дарог».