17 верасня 2019, aўторак, 23:04
Мы ў адной лодцы
Рубрыкі

Колькі людзей напраўду жыве ў Расеі?

27
Колькі людзей напраўду жыве ў Расеі?

Прычыны ўтойвання рэальнай колькасці насельніцтва ў РФ вельмі цікавыя.

Так, сябры - сёння трохі адыдзем ад савецкай тэматыкі і пагаворым на такую цікавую тэму, як рэальная колькасць насельніцтва ў Расеі, піша вядомы беларускі блогер Максім Міровіч у сваім ЖЖ.

Пытанне не такое простае, як можа здацца на першы погляд, і прычыны ўтойвання рэальнай колькасці насельніцтва ў Расеі могуць быць вельмі цікавымі. Пра гэта я падрабязна распавяду ў апошнім раздзеле допісу.

Калі пашукаць у інтэрнэце рэальныя лічбы насельніцтва Расеі, то ўсюды вы ўбачыце розныя лічбы — афіцыйная статыстыка называе лічбу 146 мільёнаў чалавек, распавядаючы таксама і пра тое, што кожны год насельніцтва прыбывае ў сярэднім на 0,1%. Неафіцыйныя ж звесткі называюць істотна больш нізкія лічбы - я сустракаў лічбы 120, 113 і 100 мільёнаў чалавек, а розныя канспіралагічныя тэорыі нават кажуць, што напраўду ў Расеі засталося не больш 70-80 мільёнаў чалавек.

Такім чынам, у сённяшнім допісе - высвятляем, колькі людзей напраўду засталося ў Расеі.

Што кажа афіцыйная статыстыка?

Як я ўжо напісаў у пачатку допісу, афіцыйная расейская статыстыка сцвярджае, што ў Расеі пражывае 144,5 млн чалавек, а насельніцтва павялічваецца. Менавіта такая лічба даецца гуглам на запыт "насельніцтва Расеі", а Расстат называе нават больш высокія лічбы -146,781 мільёнаў чалавек.

Тут трэба разумець адзін важны момант — у несвабоднай краіне, кіраванай нязменнай уладай (якой цяпер з'яўляецца Расея) статыстыка заўсёды служыць дзяржаве. Нацыянальнай ідэяй (блізкай) Расеі за пуцінізмам стала ідэя прыросту людзьмі і тэрыторыямі — прычым не так, як гэта адбываецца ў развітых краінах (шляхам прыцягнення людзей на эканамічна спрыяльную тэрыторыю), а шляхам захопу — так, напрыклад, пасля Крымнаша Пуцін голасна заявіў, што ў Расеі нібыта "пражывае 160 мільёнаў чалавек".

Апавяданні аб сталым росце насельніцтва з'яўляюцца адным з "падмуркаў" у цяперашняй Расеі — менавіта таму я б з асцярогай ставіўся да усіх аповядаў улад і афіцыйнай статыстыкі пра тое, колькі людзей напраўду пражывае ў Расеі — бо рэальныя лічбы могуць вельмі істотна адрознівацца ад тых, якія называе афіцыйная прапаганда.

Альтэрнатыўныя лічбы і "індэкс збожжа".

А цяпер давайце паглядзім, якія лічбы называюць альтэрнатыўныя крыніцы. Паводле неафіцыйных звестак, у Расеі з 1992 і ў наступныя 20 гадоў ідзе не прырост, а бесперапыннае змяншэнне насельніцтва — з рознай хуткасцю ў розныя гады. Рэкорднае змяншэнне насельніцтва прыпала на 2000 год - калі насельніцтва Расеі зменшылася амаль на 1 мільён чалавек (на 960 тысяч) і ніколі не складала менш за 200 тысяч на год. Кароткі скачок быў толькі ў 2014 годзе - насельніцтва дадалося на 33,7 тысячы чалавек, але потым лічбы зноў пайшлі на змяншэнне.

Паводле гэтых звестак, цяпер у Расеі пражывае не 146, а 133 мільёны чалавек, а астатнія мільёны — з'яўляюцца альбо прыпіскамі, альбо кампенсуюцца за кошт мігрантаў з азіяцкіх частак былога СССР. Іншыя крыніцы, кажучы аб рэальным насельніцтве Расеі, называюць і зусім лічбы не большыя за 70-80 мільёнаў чалавек - падмацоўваючы такія падлікі так званым "індэксам збожжа" - колькасцю сабранага і спажытага ў краіне збожжа. Згодна з гэтай тэорыяй, у краіне спажываецца ў сярэднім прыкладна 1 тона збожжа на 1 чалавека на год.

Так, напрыклад, у 2017 годзе ў Беларусі збіралі амаль 9-10 мільёнаў тон збожжа, з якіх 1 млн тон адправілі на экспарт, што прыкладна адпавядае насельніцтву нашай краіны 9,5 млн. чалавек, а ў ЗША ў тым жа 2017 годзе сабралі амаль 421 мільёна тон збожжавых, пры гэтым экспартаваўшы блізу 30 мільёнаў — астатнія 390 тон збожжа з запасам адпавядаюць колькасці насельніцтва ЗША 330 млн чалавек.

Што ж да Расеі - то ў тым жа 2017 годзе, як нам бадзёра паведамляе тэлеграфнае агенцтва Савецкага Саюза, 134 мільёны тон. Але пры гэтым тая ж Расея экспартавала цэлых 50 мільёнаў тон з гэтых 134 сабраных мільёнаў, пакінуўшы ў краіне, фактычна, толькі 84 мільёны тон збожжа — пра што з дурной бравадай паведамляюць тыя ж крамлёўскія СМІ. Вось ён Расейскі экспарт, неўзабаве і 100 мільёнаў тон збожжа экспартуем!

Калі прыняць "індэкс збожжа" за чыстую манету, то выходзіць, што напраўду ў Расеі пражывае не больш за 80-90 мільёнаў чалавек. І нават калі значна, ну скажам на траціну паменшыць "індэкс збожжа", і ад 1 тоны збожжа на жыхара на год пакінуць 700 кілаграмаў - то і ў гэтым выпадку атрымліваюцца лічбы толькі блізу 110-120 мільёнаў, і ўжо сапраўды далёкія ад заяўленых афіцыйнай статыстыкай 146 мільёнаў.

Мёртвыя выбарцы. Замест эпілогу.

А цяпер самае цікавае. Калі выказаць здагадку, што рэальная колькасць насельніцтва Расеі сапраўды значна (на дзясяткі мільёнаў) адрозніваецца ад заяўленай Расстатам лічбы 146 млн, то ўзнікае заканамернае пытанне - навошта і каму гэта трэба? Скажыце людзям праўду, ды і ўсё.

Як мне бачыцца сітуацыя - прычыны тут дзве. Першая прычына - уласна, прапагандысцкая. Кожная імперыя развіваецца паводле законаў масы, апісаных яшчэ Эліясам Канэці - альбо яна разрастаецца, альбо яна раскідваецца. У жыхароў кожнай дыктатарскай краіны важна падтрымліваць адчуванне дакладнага кірунку агульнага руху. Вось, глядзіце, насельніцтва расце, усё ў парадку, а тое што голадна, холадна і санкцыі – дык то ворагі ваду каламуцяць.

Ну а другая прычына - гэта, уласна, наяўнасць "мёртвых душ" для разнастайных электаральных прыпісак і маніпуляцый на выбарах. "Мёртвыя выбарцы" (людзі, якіх на самай справе даўно няма) працягваюць спраўна хадзіць на выбары і ставіць птушачкі ў патрэбных уладам графах бюлетэня. Робіцца дастаткова проста - скажам, на нейкім выбарчым участку галасуе 700 чалавек, палова якіх галасуе за праўладнага кандыдата, а другая палова — супраць. У выбарчыя пратаколы ўносяцца імёны яшчэ 300-400 няісных (даўно памерлых альбо тых, хто выехаў з краіны) людзей, якія галасуюць "у патрэбным ключы", дзякуючы гэтаму ўлада перамагае са значнай перавагай. Час ад часу такія выпадкі прасочваюцца ў прэсу, але я думаю што гэта толькі кропля ў моры ад таго, што там адбываецца напраўду...

Такія справы.

А як вы думаеце - якая рэальная колькасць насельніцтва ў Расеі ў 2019 годзе?

Напішыце ў каментарах вашае меркаванне, цікава пачытаць.