28 сакавiка 2024, Чацвер, 22:48
Падтрымайце
сайт
Сім сім,
Хартыя 97!
Рубрыкі

На заводзе «БелДжы» пад Барысавам адбылася аварыя

10
На заводзе «БелДжы» пад Барысавам адбылася аварыя

Працу на заводзе яшчэ не наладзілі.

Аварыя на буйным аўтамабільным заводзе "БелДжы" пад Барысавам. Учора тут прарвала прамысловы трубаправод з бензінам, паведамляе тэлеграм-канал NEXTA. Ёсць як мінімум адзін пацярпелы.

- Гэта адбылося на лініі выпуску, дзе цалкам гатовыя аўтамабілі запраўляюць палівам, - распавялі некалькі крыніц на прадпрыемстве. - Труба, праз якую гэта робіцца, праходзіць пад падлогай цэха. Яна і лопнула. Кіраўніцтва ад граху далей тут жа загадала: усім рабочым ісці па хатах. Але некалькіх супрацоўнікаў адправілі ліквідоўваць аварыю. У выніку адзін з іх надыхаўся парамі бензіну, і з вострым атручваннем яго павезлі на хуткай. Таксама на завод прыязджалі ратавальнікі МНС.

Са звестак тэлеграм-канала, працу на "БелДжы" пасля паломкі пакуль не наладзілі.

СЗАТ “БелДжы” - беларуска-кітайскае супольнае прадпрыемства для зборкі кітайскіх легкавых аўтамабіляў Geely.

Напісаць каментар 10

Таксама сачыце за акаўнтамі Charter97.org у сацыяльных сетках